లండన్‌: ప్రతిష్టాత్మక వింబుల్డన్‌ గ్రాండ్‌స్లామ్‌ టెన్నిస్‌ టోరీ్నకి సన్నాహకంగా భావించే క్వీన్స్‌ క్లబ్‌ చాంపియన్‌షిప్‌లో స్పెయిన్‌ స్టార్‌ కార్లోస్‌ అల్‌కరాజ్‌ విజేతగా నిలిచాడు. ఆదివారం జరిగిన పురుషుల సింగిల్స్‌ ఫైనల్లో ప్రపంచ రెండో ర్యాంకర్‌ అల్‌కరాజ్‌ 6–4, 6–4తో అలెక్స్‌ డి మినౌర్‌ (ఆస్ట్రేలియా)పై గెలిచాడు. 99 నిమిషాలపాటు జరిగిన ఈ మ్యాచ్‌లో స్పెయిన్‌ స్టార్‌ ఏడు ఏస్‌లు సంధించడంతోపాటు ప్రత్యర్థి సరీ్వస్‌ను రెండుసార్లు బ్రేక్‌ చేశాడు. గ్రాస్‌ కోర్టులపై అల్‌కరాజ్‌కిదే తొలి టైటిల్‌ కావడం విశేషం. ఓవరాల్‌గా అతని కెరీర్‌లో ఇది 11వ సింగిల్స్‌ టైటిల్‌. ఈ స్పెయిన్‌ స్టార్‌కు 4,77,795 యూరోల (రూ. 4 కోట్ల 26 లక్షలు) ప్రైజ్‌మనీతోపాటు 500 ర్యాంకింగ్‌ పాయింట్లు లభించాయి. ఈ గెలుపుతో అల్‌కరాజ్‌ నేడు విడుదల చేసే ప్రపంచ ర్యాంకింగ్స్‌లో మళ్లీ నంబర్‌వన్‌ ర్యాంక్‌ను అందుకోనున్నాడు. దాంతోపాటు వచ్చే నెలలో మొదలయ్యే వింబుల్డన్‌ గ్రాండ్‌స్లామ్‌ టోర్నీ లో టాప్‌ సీడ్‌గా బరిలోకి దిగనున్నాడు.      


  స్పెయిన్ టెన్నిస్ స్టార్ రాఫెల్ నాదల్ తన కెరీర్‌లో 66వ సింగిల్స్ టైటిల్‌ను సాధించాడు. ఆదివారం జర్మనీలోని స్టుట్‌గార్ట్‌లో జరిగిన మెర్సిడెస్ కప్‌లో అతను విజేతగా నిలిచాడు. ఫైనల్లో నాదల్ 7-6 (7/3), 6-3తో విక్టర్ ట్రయెస్కీ (సెర్బియా)పై గెలిచాడు. తద్వారా ఐదేళ్ల విరామం తర్వాత గ్రాస్‌కోర్టులపై మరో ట్రోఫీని అందుకున్నాడు. 2010లో వింబుల్డన్ టైటిల్ నెగ్గిన తర్వాత నాదల్ ఖాతాలో మరో గ్రాస్‌కోర్టు టైటిల్ చేరడం ఇదే ప్రథమం.