● వారణాసి మాదిరిగా అభివృద్ధి చేయాలి ● బీఆర్‌ఎస్‌ ఎంపీ అభ్యర్థి వినోద్‌కుమార్‌వేములవాడ: ప్రధాని నరేంద్రమోదీ ప్రాతినిధ్యం వహిస్తున్న వారణాసిని వందల కోట్లతో అభివృద్ధి చేసినట్లుగానే.. దక్షిణకాశీగా ప్రఖ్యాతిగాంచిన వేములవాడ అభివృద్ధికి కనీసం ఐదున్నర కోట్లయినా ప్రకటించాలని బీఆర్‌ఎస్‌ ఎంపీ అభ్యర్థి వినోద్‌కుమార్‌ డిమాండ్‌ చేశారు. ఎన్నికల ప్రచారంలో భాగంగా సోమవారం రాత్రి వేములవాడలో నిర్వహించిన రోడ్‌షోలో మాట్లాడారు. 2014 నుంచి 2019 వరకు తాను ఎంపీగా కరీంనగర్‌కు రూ.వెయ్యి కోట్లతో స్మార్ట్‌ సిటీ తెచ్చానని తెలిపారు. రైతుకు పెట్టుబడి ఇచ్చిన ప్రభుత్వం దేశంలోనే కేసీఆర్‌ సర్కారు మాత్రమేనని అన్నారు. నార్లు పోసేటప్పుడు ఇవ్వాల్సిన రైతుబంధు కాంగ్రెస్‌ ప్రభుత్వం కోతల సమయంలో ఇస్తుందని విమర్శించారు. నాలుగు నెలల కాంగ్రెస్‌ అసమర్థ పాలనతోనే ప్రాజెక్టులు, చెరువులు ఎండిపోయి కరువు వచ్చిందన్నారు. బండి సంజయ్‌ పార్లమెంట్‌లో ఎప్పుడు కూడా రాష్ట్రం కోసం ఒక్క మాట మాట్లాడలేదని ఎద్దేవా చేశారు. వేములవాడ రాజన్న గుడికి నయాపైసా తెచ్చాడా అని ప్రశ్నించారు. మాజీ ఎమ్మెల్యే రసమయి బాలకిషన్‌ పాల్గొన్నారు.

● మాన్వాడలో కూలీలకు బొట్టు పెట్టి ఆహ్వానంబోయినపల్లి(చొప్పదండి): ఉపాధిహామీ పనులపై కూలీలకు అవగాహన కల్పించేందకు మండలంలోని మాన్వాడలో అధికారులు వినూత్న పద్ధతికి శ్రీకారం చుట్టారు. ఏపీడీ నర్సింహులు ఆధ్వర్యంలో అధికారులు సోమవారం గ్రామంలో ఉపాధిహా మీ పనులకు రావాలని కోరుతూ ఇంటింటికి వెళ్లి కూలీలకు బొట్టు పెట్టి పిలిచారు. గ్రామంలో ఉపాధిహామీ పనులకు వచ్చే కూలీల హాజరు పడిపోవడంతో కూలీల సంఖ్య పెంచేందుకు అధికారులు వినూత్నంగా ప్రచారం చేశారు. డప్పుచప్పుళ్లతో ఉపాధిహామీ పనులపై గ్రామంలో అవగాహన కల్పించారు. ఈజీఎస్‌ ఏపీవో వనం సబిత, పంచాయతీ కార్యదర్శి రాజశ్రీ పాల్గొన్నారు.

● ఎస్పీ అఖిల్‌ మహాజన్‌ వేములవాడ: ఈ నెల 8న ప్రధాని మోదీ పర్యట నకు పటిష్ట బందోబస్తు చేపడుతున్నట్లు ఎస్పీ అఖిల్‌మహాజన్‌ తెలిపా రు. వేములవాడలో సోమవారం పోలీస్‌ అధికారులు, సిబ్బందితో స మావేశమయ్యారు. 1200 మందితో బందోబస్తు చేపడుతున్నామని, పది సెక్టార్లుగా విభజించి ఎస్పీ, ఏఎస్పీ స్థాయి అధికారులను బాధ్యులుగా నియమించినట్లు తెలిపారు. గుర్తింపుకార్డులు ధరించే విధులకు హాజరుకావాలని సూచించారు. హెలికాప్టర్‌ వద్దకు ఇతరులు ఎవరిని రానీయొద్దన్నారు. డ్యూటీ ప్రదేశం నుంచి ఎవరు కూడా వదిలి వెళ్లకూడదని సూచించారు. ట్రెయినీ ఐపీఎస్‌ రాహుల్‌రెడ్డి, ఏఎస్పీ చంద్రయ్య, డీఎస్పీ నాగేంద్రచారి, చంద్రశేఖర్‌రెడ్డి పాల్గొన్నారు.

● 7 నుంచి 11 తేదీ వరకు తేలికపాటి వర్షాలు సాక్షిప్రతినిధి,కరీంనగర్‌: మాడు పగిలే ఎండలతో తల్లడిల్లుతున్న ప్రజలకు భారత వాతా వరణశాఖ (ఐఎండీ) చల్లటి కబురు చెప్పింది. ఈనెల 7వ తేదీ నుంచి 11వ తేదీ వరకు ఉమ్మడి జిల్లాలోని కరీంనగర్‌, పెద్దపల్లి, జగిత్యాల, సిరిసిల్ల జిల్లాలలో ఉరుములు, మెరుపులతో కూడిన తేలికపాటి వర్షాలు పడే అవకాశాలున్నాయని సోమవారం విడుదల చేసిన ప్రకటనలో వెల్లడించింది. రైల్వేలైన్‌ భూనిర్వాసితుల ఆందోళన వేములవాడ: వేములవాడ మున్సిపాలిటీ పరిధి రైల్వేలైన్‌లో భూములు కోల్పోతున్న నిర్వాసితులకు వెంటనే న్యాయం చేయాలని కోరుతూ బైపాస్‌రోడ్డులోని మున్నూరుకాపు సత్రం ఎదుట సోమవారం ఫ్లకార్డులు ప్రదర్శించారు. కేంద్ర, రాష్ట్ర ప్రభుత్వాలు తక్షణమే రైల్వేలైన్‌ అలైన్‌మెంట్‌ను మార్చాలని లేకుంటే గెజిట్‌లో నుంచి తమ భూములను తొలగించాలని డిమాండ్‌ చేశారు. ఈ సమస్యను పలుమార్లు అధికారుల దృష్టికి తీసుకెళ్లినా పట్టించుకోవడం లేదన్నారు. ‘ఆది’ని కలిసిన మున్నూరుకాపు నాయకులు వేములవాడ: మున్నూరుకాపు కార్పొరేషన్‌లో తీసుకున్న నిర్ణయాలు, కార్పొరేషన్‌ విధి, విధానాల పత్రాలను ఆ సంఘం నాయకులు ప్రభుత్వ విప్‌ ఆది శ్రీనివాస్‌కు అందజేశారు. వేములవాడలోని మున్నూరుకాపు సత్రభవనంలో సోమవారం సమావేశం నిర్వహించారు. రాష్ట్ర కార్యవర్గ సభ్యులు, 33 జిల్లాల కమిటీల అధ్యక్షులు, కార్యవర్గ సభ్యులు, మండలాల అధ్యక్షులు పాల్గొన్నారు. మున్నూరుకాపు డెవలప్‌మెంట్‌ ఫోరం రాష్ట్ర అధ్యక్షుడు ఎడ్ల రవి, మున్నూరుకాపు యువత రాష్ట్ర అధ్యక్షుడు బండి సంజీవ్‌, స్టేట్‌ జాయింట్‌ సెక్రటరీ వాసాల వెంకటేశ్వర్లు, గ్రేటర్‌ హైదరాబాద్‌ యూత్‌ ప్రెసిడెంట్‌ దేవిశెట్టి శివ, మున్సిపల్‌ వైస్‌చైర్మన్‌ బింగి మహేశ్‌ పాల్గొన్నారు. ప్రధాని మోదీ సభకు తరలిరావాలి సిరిసిల్లటౌన్‌: వేములవాడలో ఈనెల 8న నిర్వహించే ప్రధాని మోదీ సభకు భారీగా తరలివచ్చి విజయవంతం చేయాలని బీజేపీ రాష్ట్ర అధికార ప్రతినిధి తుళ్లు వీరేందర్‌గౌడ్‌ కోరారు. సిరిసిల్ల ప్రెస్‌క్లబ్‌లో సోమవారం విలేకరులతో మాట్లాడారు. బీసీ, ఎస్సీ, ఎస్టీలకు న్యాయంగా రిజర్వేషన్లు అమలయ్యేలా చూడాలని ప్రధాని మోదీ ప్రయత్నిస్తుంటే ప్రతిపక్షాలు అసత్య ప్రచారాలు చేస్తున్నాయన్నారు. బీజేపీకి ప్రజల్లో ఉన్న ఆదరణను చూసి కాంగ్రెస్‌ పార్టీకి ఓటమి ఖాయమని భావించి అసత్య ప్రచారాలు చేస్తున్నారన్నారు. బీజేపీ పట్టణాధ్యక్షుడు నాగుల శ్రీనివాస్‌, అసెంబ్లీ కన్వీనర్‌ కరెడ్ల మల్లారెడ్డి, పార్లమెంటు కన్వీనర్‌ ఆడెపు రవీందర్‌, గూడూరి భాస్కర్‌, శీలం రాజు, కొండ నరేశ్‌, గాజుల సదానందం పాల్గొన్నారు. నల్లబ్యాడ్జీలతో వైద్యుల నిరసనవేములవాడఅర్బన్‌: వేములవాడ ఏరియా ఆస్పత్రిలోని వైద్యులు నల్ల బ్యాడ్జీలు ధరించి సోమవారం నిరసన తెలిపారు. వారు మాట్లాడుతూ జగిత్యాల జిల్లా కోరుట్ల ప్రభుత్వ ఆస్పత్రిలోని వైద్యులు, వైద్యసిబ్బంది విధులకు ఆటంకం కలిగించడమే కాకుండా దాడి చేయడాన్ని ఖండించారు. వైద్యుల సజీవ దహనానికి యత్నించిన సదరు దుండగులపై కఠిన చర్యలు తీసుకోవాలని డిమాండ్‌ చేశారు. సూపరింటెండెంట్‌ డాక్టర్‌ రేగులపాటి మహేశ్‌రావు, వైద్యులు తిరుపతి, సంతోష్‌చారి, అనిల్‌కుమార్‌, తిరుపతి ఉన్నారు.

● అపెరల్‌ పార్క్‌లో షెడ్లు పూర్తయ్యాయి ● రూ.400 కోట్లతో పనులు చేశాం ● ఎంపీగా వినోద్‌కుమార్‌ను గెలిపించండి ● బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌సిరిసిల్ల: నేతకార్మికులను ఆసాములుగా మార్చేందుకు రూ.400కోట్లతో అపెరల్‌పార్క్‌ను నిర్మించామని, ఆధునిక మగ్గాలు ఇవ్వాల్సి ఉండేదని బీఆర్‌ఎస్‌ వర్కింగ్‌ ప్రెసిడెంట్‌, సిరిసిల్ల ఎమ్మెల్యే కె.తారక రామారావు పేర్కొన్నారు. సిరిసిల్లలోని శాంతినగర్‌, గాంధీచౌక్‌, కొత్త బస్టాండు ప్రాంతాల్లో సోమవారం నిర్వహించిన రోడ్‌షోలలో మాట్లాడారు. ఐదు సార్లు గెలిపించి.. మీ రుణం తీర్చుకునే అవకాశం కల్పించారన్నారు. ఈసారి అధికారంలోకి వస్తే.. మిగిలిన పనులు పూర్తి చేసేవాడినని స్పష్టం చేశారు. సిరిసిల్లను జిల్లా చేసుకుని, మెడికల్‌, వ్యవసాయ, నర్సింగ్‌, ఇంజినీరింగ్‌ కాలేజీలు ఏర్పాటు చేసుకున్నామని వివరించారు. నేతన్నలకు బతుకమ్మ చీరల ఆర్డర్లు ఇచ్చి ఆదుకున్నామని తెలిపా రు. ఎంపీ ఎన్నికల్లో బీఆర్‌ఎస్‌ అభ్యర్థి వినోద్‌కుమార్‌ను గెలిపించాలని కోరారు. మున్సిపల్‌ చైర్‌పర్సన్‌ జిందం కళాచక్రపాణి, ‘సెస్‌’ డైరెక్టర్‌ దార్నం లక్ష్మీనారాయణ, వైస్‌చైర్మన్‌ మంచె శ్రీనివాస్‌, పట్టణ అధ్యక్షుడు జిందం చక్రపాణి, నాయకులు గూడూరి ప్రవీణ్‌, బొల్లి రామ్మోహన్‌, అగ్గి రాములు, గుండ్లపల్లి పూర్ణచందర్‌, బుర్ర నారాయణగౌడ్‌, కౌన్సిలర్లు రాపెల్లి దినేశ్‌, గుడ్ల శ్రీనివాస్‌, దార్నం అరుణ, అ న్నారం శ్రీనివాస్‌, ఆడెపు సౌజన్య, గడ్డం చందన, గుండ్లపల్లి నీరజ పాల్గొన్నారు. రైతులతో టెలీకాన్ఫరెన్స్‌ సిరిసిల్ల నియోజకవర్గంలోని రైతులతో కేటీఆర్‌ టెలీ కాన్ఫరెన్స్‌లో మాట్లాడారు. కేసీఆర్‌తోనే రైతు సంక్షేమం సాధ్యమైందని, 24 గంటల కరెంట్‌, రైతుబంధు, రైతుబీమా, రైతువేదికలు, కాళేశ్వరం నీళ్లు వచ్చాయన్నారు. మోసపు మాటలతో అధికారంలోకి వచ్చిన కాంగ్రెస్‌ అందరిని మోసం చేసిందన్నారు. మోదీ ప్రభుత్వం రైతుల ఆదాయాన్ని డబుల్‌ చేస్తానని చెప్పి, పెట్రోల్‌, డీజిల్‌ ధరలను పెంచిందని విమర్శించారు. తెలంగాణ తెచ్చిన కేసీఆర్‌కు రైతులు అండగా ఉండాలని కోరారు. వినోద్‌కుమార్‌ జనగొంతుకగా నిలుస్తాడు ముస్తాబాద్‌/తంగళ్లపల్లి(సిరిసిల్ల): కాంగ్రెస్‌ హామీలు నమ్మి మోసపోయి గోస పడుతున్నామని.. బీఆర్‌ఎస్‌ అభ్యర్థి వినోద్‌కుమార్‌ను గెలి పిస్తే పార్లమెంట్‌లో తెలంగాణ జనగొంతుకగా నిలుస్తాడని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. ముస్తాబాద్‌, తంగళ్లపల్లి మండలాల్లో సోమవారం నిర్వహించిన బీఆర్‌ఎస్‌ కా ర్యకర్తల సమావేశంలో మాట్లాడారు. రాష్ట్రంలో ఐదు నెలల కాంగ్రెస్‌ పాలనలో 250 మంది రైతులు, ఎందరో నేతకార్మికులు, 50 మంది ఆటోడ్రైవర్లు ఆత్మహత్యలు చేసుకున్నారని ఆవేదన వ్యక్తం చేశారు. ప్రధాని మోదీ, ఎంపీ బండి సంజయ్‌ కరీంనగర్‌కు ఏం చేశారో ప్రజలు ఆలోచించాలని కోరారు. కాంగ్రెస్‌ను ఈ ఎన్నికల్లో గెలిపిస్తే సిరిసిల్ల జిల్లాను రద్దు చేస్తారని, హైదరాబాద్‌ను కేంద్రపాలిత ప్రాంతంగా ప్రకటిస్తారన్నారు. ఈనెల 10న సిరిసిల్లలో నిర్వహించే కేసీఆర్‌ రోడ్‌షోను విజయవంతం చే యాలని కోరారు. టెస్కాబ్‌ చైర్మన్‌ రవీందర్‌రావు, జెడ్పీ చైర్‌పర్సన్‌ అరుణ, బీఆర్‌ఎస్‌ జిల్లా అధ్యక్షుడు ఆగయ్య, ఎంపీపీలు శరత్‌రావు, మా నస, సెస్‌ చైర్మన్‌ రామారావు, డైరెక్టర్లు అంజి రెడ్డి, నాయకులు సురేందర్‌రావు, రాజన్న, గో పాల్‌రావు, చంద్రశేఖర్‌రావు, శ్రీనివాస్‌, మధు, బాపురావు, దేవదాస్‌, భాస్కర్‌ ఉన్నారు.