TV
హైదరాబాద్ నీళ్లు గజ్వేల్‌కా: జీవన్‌రెడ్డి
హైదరాబాద్ ప్రజలకు అన్యాయం చేసే చర్యలకే సీఎం కేసీఆర్ ప్రాముఖ్యం ఇస్తున్నారని సీఎల్‌పీ ఉపనేత టి.జీవన్‌రెడ్డి విమర్శించారు.
సాక్షి, హైదరాబాద్: హైదరాబాద్ ప్రజలకు అన్యాయం చేసే చర్యలకే సీఎం కేసీఆర్ ప్రాముఖ్యం ఇస్తున్నారని సీఎల్‌పీ ఉపనేత టి.జీవన్‌రెడ్డి విమర్శించారు. సీఎల్‌పీ కార్యాలయం లో శుక్రవారం ఆయన మీడియాతో మాట్లాడుతూ... వేసవిలో హైదరాబాద్ జనానికి నీరు అందించేందుకు ఉద్దేశించి న గోదావరి జలాలను తన సొంత నియోజకవర్గం గజ్వేల్‌కు తరలిస్తానని ప్రకటించడంలో ఆంతర్యం ఏమిటన్నారు. హైదరాబాద్ నగర ప్రజల దాహార్తి కన్నా తన నియోజకవర్గమే సీఎంకు ఎక్కువైందన్నారు.
ఈ పాటికి నగరంలో తిరగాల్సిన మెట్రో రైలు ఏడాది ఆలస్యం కావడానికి ముఖ్యమంత్రే కారణమన్నారు. ప్రకటనలు మినహా టీఆర్‌ఎస్ ప్రభుత్వం రాజధాని కోసం ఏమీ చేయలేదని, తమ హయంలోనే అభివృద్ధి జరిగిందని జీవన్‌రెడ్డి ఉద్ఘాటించారు.
