ఫైనల్ దశకు భారత్

ప్రపంచ జూ. బ్యాడ్మింటన్ టోర్నీ

బిల్బావో (స్పెరుున్): బీడబ్ల్యూఎఫ్ ప్రపంచ జూనియర్ మిక్స్‌డ్ టీమ్ బ్యాడ్మింటన్ చాంపియన్‌షిప్‌లో భారత జట్టు వరుస విజయాలతో ఫైనల్ దశకు అర్హత సాధించింది. శుక్రవారం ప్లేఆఫ్ గ్రూపు లో జరిగిన మ్యాచ్‌లో భారత్ 3-1తో ఫ్రాన్స్‌ను కంగుతినిపించింది. మొదట జరిగిన మిక్స్‌డ్ డబుల్స్ పోరులో మహిమా అగర్వాల్-సాత్విక్ సారుురాజ్ జోడి 21-14, 23-21తో డెల్ఫిన్ డెల్‌రూ-టామ్ గిచ్‌క్వెల్ జంటపై నెగ్గింది.

అనంతరం జరిగిన పురుషుల సింగిల్స్‌లో లక్ష్య సేన్ 21-16, 23-21తో టొమా పొపొవ్‌ను ఓడించి భారత్‌కు 2-0 ఆధిక్యాన్నిచ్చాడు. చివరగా జరిగిన మహిళల సింగిల్స్ మ్యాచ్‌లో ఆకర్షి కశ్యప్ 23-25, 21-15, 21-12తో యెలే హొయక్స్‌పై గెలుపొందింది. భారత్ గ్రూప్ దశలో బల్గేరియా, ఫిన్లాండ్‌లను ఓడించి ప్లే ఆఫ్‌కు చేరుకుంది. తదుపరి పోరులో భారత్... థాయ్‌లాండ్‌తో తలపడనుంది.