చిరు అతిథి 

మెగాస్టార్‌ సినిమాలో సూపర్‌ స్టార్‌ కనిపించబోతున్నారా? మూడు నాలుగు రోజులుగా సోషల్‌ మీడియాలో హల్‌చల్‌ చేస్తున్న వార్త ఇది. మెగాస్టార్‌ చిరంజీవికి సూపర్‌ స్టార్‌ మహేశ్‌బాబు అతిథి కాబోతున్నారట. కొరటాల శివ దర్శకత్వంలో చిరంజీవి నటిస్తున్న సినిమాలోనే ఈ విశేషం జరగనుందని టాక్‌. ఇప్పటివరకూ మహేశ్‌బాబు తాను హీరోగా నటించని ‘జల్సా’, ‘బాద్‌షా’, ‘శ్రీశ్రీ’, ‘మనసుకు నచ్చింది’ చిత్రాలకు వాయిస్‌ అందించారు. ఒకవేళ వార్తల్లో ఉన్నట్లు చిరంజీవి సినిమాలో మహేశ్‌ నటిస్తే మొదటిసారి అతిథి పాత్రలో కనిపించినట్లు అవుతుంది.

(చదవండి : బోర్‌ కొట్టట్లేదా.. ఎప్పుడూ ఇదే పనా : మహేశ్‌)

కొరటాల శివ దర్శకత్వంలో కొణిదెల ప్రొడక్షన్స్‌ పతాకంపై ఈ చిత్రాన్ని రామ్‌చరణ్‌ నిర్మిస్తున్నారు. త్రిష కథానాయికగా నటిస్తున్నారు. ఇదిలా ఉంటే... చిత్రదర్శకుడు కొరటాల శివతో ‘శ్రీమంతుడు’, ‘భరత్‌ అనే నేను’ చిత్రాల్లో మహేశ్‌ నటించిన విషయం తెలిసిందే. మరి.. చిరు–కొరటాల సినిమాకి మహేశ్‌ అతిథి అవుతారా? వెయిట్‌ అండ్‌ సీ.