TV
ఫస్ట్‌ లుక్‌... బర్త్‌డే గిఫ్ట్‌!
లుక్‌... లుక్‌... బాలకృష్ణ ఫస్ట్‌ లుక్‌ను అభిమానులకు బర్త్‌డే గిఫ్ట్‌గా ఇవ్వాలని దర్శకుడు పూరి జగన్నాథ్‌ ప్లాన్‌ చేస్తున్నారట!
లుక్‌... లుక్‌... బాలకృష్ణ ఫస్ట్‌ లుక్‌ను అభిమానులకు బర్త్‌డే గిఫ్ట్‌గా ఇవ్వాలని దర్శకుడు పూరి జగన్నాథ్‌ ప్లాన్‌ చేస్తున్నారట! ఈ నెల 10న బాలకృష్ణ బర్త్‌డే. ఆ రోజున ఆయన హీరోగా పూరి దర్శకత్వంలో ‘భవ్య’ ఆనంద్‌ప్రసాద్‌ నిర్మిస్తున్న సిన్మా ఫస్ట్‌ లుక్‌ విడుదల చేస్తారని ఫిల్మ్‌నగర్‌ వర్గాల టాక్‌.
ఈ సిన్మాలో బాలకృష్ణ గ్యాంగ్‌స్టర్‌గా నటిస్తున్నారనే న్యూస్‌ ఎప్పుడో బయటకొచ్చింది. ‘మావా... ఏక్‌ పెగ్‌ లావో’ సాంగ్‌ రికార్డింగ్‌ టైమ్‌లో తీసిన ఫొటోల్లో బాలకృష్ణ హెయిర్‌ స్టయిల్‌పై ఓ క్లారిటీ వచ్చింది. మరి, గ్యాంగ్‌స్టర్‌ లుక్‌ ఎలా ఉంటుందో!! లుక్‌తో పాటు సినిమా టైటిల్‌ కూడా ఈ నెల 10న ప్రకటిస్తారేమో చూడాలి. భవ్య క్రియేషన్స్‌ సంస్థ ‘తేడా సింగ్, జై బాలయ్య, మావా... ఏక్‌ పెగ్‌ లావో’ టైటిల్స్‌ను ఫిల్మ్‌ చాంబర్‌లో రిజిస్టర్‌ చేయించింది. మూడింటిలో ఏదొక టైటిల్‌ పెడతారో? కొత్త పేరు తెరపైకి వస్తుందో? వెయిట్‌ అండ్‌ సీ!! ప్రస్తుతం ఈ సినిమా షూటింగ్‌ పోర్చుగల్‌లో జరుగుతోంది.
