నన్ను చూసి కాలేజీలో భయపడుతుంటారు!

దక్షిణాదిన అన్ని భాషల్లో నటిస్తున్నందుకు ఆనందంగా ఉందంటున్నారు కథానాయిక అస్మితాసూద్. సుధీర్‌బాబుకి ఈ ముద్దుగుమ్మ జోడీగా నటించిన సినిమా ‘ఆడు మగాడ్రా బుజ్జి’. కృష్ణారెడ్డి గంగదాసు దర్శకుడు. సుబ్బారెడ్డి, ఎస్.ఎన్.రెడ్డి నిర్మాతలు. త్వరలో ఈ సినిమా విడుదల కానుంది. ఈ సందర్భంగా అస్మిత విలేకరులతో మాట్లాడుతూ -‘‘ఇందులో నేను డాన్ చెల్లెల్ని. నా బ్యాగ్రౌండ్ చూసి నాతో మాట్లాడటానిక్కూడా కాలేజ్‌లో భయపడుతుంటారు. అలాంటి టైమ్‌లో మగాడిలా వస్తాడు సుధీర్. ‘ఆడు మగాడ్రా బుజ్జీ’ అనిపించుకుంటాడు. ఓవరాల్‌గా నా కోసం పోరాడే ఓ మగాడి కథ ఇది’’అని చెప్పారు.