యూఎన్‌ సిబ్బందికీ లైంగిక వేధింపులు: నివేదిక 

యునైటెడ్‌ నేషన్స్‌: ఐక్యరాజ్య సమితిలో పనిచేస్తున్న సిబ్బందిలో ప్రతి ముగ్గురిలో ఒకరు గడిచిన రెండేళ్లలో ఏదో ఒకసారి లైంగిక వేధింపులకు గురైనట్లు ఓ నివేదికలో వెల్లడైంది. ప్రపంచవ్యాప్తంగా ఐరాసకు చెందిన 31 సంస్థల్లో పనిచేస్తున్న సుమారు 30 వేల మంది అభిప్రాయాలు తీసుకుని ఈ సర్వే నిర్వహించారు. ఇందులో పాల్గొన్నవారిలో సుమారు 33 శాతం ఈ రెండేళ్లలో ఏదో ఒక సందర్భంలో లైంగిక వేధింపులకు గురైనట్లు తెలిపారు. ప్రతి ఐదుగురిలో ఒకరు 2016 కు ముందు ఏదో ఒకరకమైన లైంగిక వేధింపులు అనుభవించామని చెప్పారు.