శంషాబాద్ ఎయిర్పోర్టులో ప్రయాణికుల ఆందోళన

హైదరాబాద్ : శంషాబాద్ విమానాశ్రయంలో  ప్రయాణికులు గురువారం ఉదయం ఆందోళనకు దిగారు. బెంగుళూరు మీదగా కొచ్చిన్ వెళ్లాల్సిన ఇండిగో, ఎయిర్ ఇండియా విమానాలకు  ముందుగా టికెట్లు బుక్ చేసుకున్న ప్రయాణికులను బోర్డింగ్కు అనుమతించకుండా సిబ్బంది  కౌంటర్  మూసివేశారు.

దీంతో శబరిమల వెళ్లాల్సిన 15మంది ప్రయాణికులు ఆందోళన చెందుతున్నారు. బెంగళూరుకు ఒక్కసారిగా రష్ పెరగటంతో ఇండిగో సంస్థ ఎక్కువ రేట్లకు టికెట్లు అమ్ముకుని కౌంటర్ మూసివేసింది. దీంతో ఇండిగో సిబ్బంది తీరుపై ఆగ్రహం వ్యక్తం చేస్తూ ప్రయాణికులు వాగ్వివాదానికి దిగారు. ప్రయాణంపై తమకు సరైన సమాధానం ఇవ్వటం లేదంటూ ఇండిగో యాజమాన్యంపై పోలీసులకు ఫిర్యాదు చేశారు.