నష్టాల్లో ముగిసిన స్టాక్‌ మార్కెట్లు

 

మైండ్‌ట్రి, ఇన్ఫోసిస్‌ కంపెనీ షేర్లు ఒత్తిడిలో కొనసాగడంతో నిఫ్టీ ఐటీ ఇండెక్స్‌ 0.88 శాతం మేర పడిపోయింది. మరిన్ని కార్పొరేట్‌ ఫలితాలపై ఇన్వెస్టర్లు ఎక్కువగా దృష్టిసారిస్తున్నారు. దీంతో ఇన్వెస్టర్లు ఆచితూచి అడుగులు వేస్తున్నట్టు మార్కెట్‌ విశ్లేషకులు చెప్పారు. నేడు మార్కెట్‌ అవర్స్‌ తర్వాత రానున్న ఫలితాల ప్రకటన నేపథ్యంలో రిలయన్స్‌ ఇండస్ట్రీస్‌ షేరు కూడా 0.26శాతం నష్టాల్లో ముగిసింది. అటు డాలర్‌తో రూపాయి మారకం విలువ 17 పైసలు పడిపోయింది. డాలర్‌ బలపడుతుండటంతో రూపాయి నష్టాలు పాలై 64.45గా ట్రేడైంది. ఎంసీఎక్స్‌ మార్కెట్‌లో బంగారం ధరలు 70 రూపాయల నష్టంలో 28,180 రూపాయలుగా ఉన్నాయి.