పవన్‌ ఇదేం పని?

Voters angry on Pawan Kalyan for Directly penetrating into the polling booth - Sakshi

నేరుగా పోలింగ్‌బూత్‌లోకి చొచ్చుకెళ్లిన వైనం.. ఓటర్ల ఆగ్రహం

మొగల్రాజపురం(విజయవాడ తూర్పు): ప్రతి విషయంలోనూ సమాజానికి ఆదర్శంగా ఉంటానని సుద్దులు చెప్పే పవన్‌కల్యాణ్‌ వ్యవహరించిన తీరుకు ఓటర్లు తీవ్ర అసహనానికి గురయ్యారు. గురువారం జరిగిన సార్వత్రిక ఎన్నికల్లో భాగంగా తన ఓటు హక్కు వినియోగించుకోవడానికి వచ్చిన జనసేన అధ్యక్షుడు పవన్‌కల్యాణ్‌కు ఓటర్ల నుంచి స్పందన కరువైంది. మొదట ఆయన సాధారణ ప్రజల మాదిరిగా లైనులో నిలబడి ఓటు హక్కు వినియోగించుకుంటారని అక్కడకు చేరుకున్న జనసేన నాయకులు చెప్పారు.

అయితే ఆయన కేంద్రానికి వచ్చినపుడు ప్రజల నుంచి స్పందన లేకపోవడంతో.. అసహనానికి గురై నేరుగా పోలింగ్‌ బూత్‌లోకి వెళ్లి ఓటు హక్కు వినియోగించుకుని నిమిషాల వ్యవధిలోనే మీడియాతో మాట్లాడి అక్కడ నుంచి వెళ్లిపోయారు. ఎప్పటి నుంచో ఓటు వేయడానికి లైన్‌లో వేచి ఉన్న ఓటర్లు పవన్‌ వస్తే మమ్మల్ని ఇబ్బంది పెడతారా? అతనికో రూలు మాకో రూలా అంటూ ఎన్నికల సిబ్బందిపై ఆగ్రహం వ్యక్తం చేశారు. కాగా, పవన్‌ వచ్చినప్పుడు ఎలక్ట్రానిక్‌ మీడియా కెమెరామెన్‌లు చేసిన హడావుడి అంతా ఇంతా కాదు.

Read latest Andhra Pradesh News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top