TV
అనంతపురం జిల్లా పుట్లూరు మండలం చింతకుంట గ్రామంలో సుంకలమ్మ దేవాలయంలో దుండగులు చోరీకి పాల్పడ్డారు.
పుట్లూరు: అనంతపురం జిల్లా పుట్లూరు మండలం చింతకుంట గ్రామంలో సుంకలమ్మ దేవాలయంలో దుండగులు చోరీకి పాల్పడ్డారు. సోమవారం రాత్రి ఆలయంలో చొరబడి హుండీ, అమ్మవారి వెండి ఆభరణాలను దోచుకెళ్లారు. మంగళవారం తెల్లవారుజామున ఆలయం వద్దకు వెళ్లిన పూజారులు దొంగతనం జరిగిందని గుర్తించి పోలీసులకు సమాచారం అందించారు. విషయం తెలిసిన పోలీసులు సంఘటనా స్థలానికి చేరుకొని ఆధారాలు సేకరించారు. కేసు నమోదు చేసి దుండగుల కోసం గాలింపు చర్యలు చేపట్టారు. దోచుకున్న సొత్తు విలువ ఎంత అనేది తెలియాల్సి ఉంది.
