పార్టీ కార్యాలయం దొరక్క మంత్రి హైరానా

సాక్షి, అమరావతి : గుంటూరు జిల్లా టీడీపీ సమన్వయ కమిటీ సమావేశానికి వెళుతూ స్త్రీ, శిశు సంక్షేమ శాఖమంత్రి పరిటాల సునీత దారి తప్పారు. మంగళవారం ఆమె... గుంటూరులో టీడీపీ కార్యాలయం అడ్రస్‌ కనుక్కోలేకపోయారు. పార్టీ కార్యాలయం ఎక్కడుందో తెలియక నగరంలోని అన్ని వీధులు తిరిగారు. గంటసేపు పార్టీ కార్యాలయం కోసం వెతుకులాటలోనే సరిపోయింది. ఎంతసేపటికీ పార్టీ కార్యాలయం అడ్రస్‌ కనుక్కోలేక ఆమె కొద్దిగా హైరానా పడ్డారు. మరోవైపు స్థానిక పోలీసులు మంత్రికి సమాచారం ఇవ్వడంలో విఫలం అయ్యారంటూ జిల్లా టీడీపీ నేతలు పోలీసులపై ఆగ్రహం వ్యక్తం చేశారు.