కలువలరేడు కలత చెందెనేమో!

సాక్షి ఫొటోగ్రాఫర్, అనంతపురం :చల్లటి వెన్నముద్దలా కనిపించే చంద్రుడు.. ఆదివారం వింత కాంతులు విరజిమ్మాడు. నిమిషానికో రంగు చొప్పున మారుతూ.. చూపరులను ఆశ్చర్యానికి గురిచేశాడు. రాత్రి ఏడు నుంచి ఏడున్నర గంటల మధ్య చోటు చేసుకున్న ఈ విచిత్రాన్ని చూసిన వారంతా.. కలువలరేడు కలత చెందెనేమో! అంటూ ఆందోళన వ్యక్తం చేస్తూ.. తృణ ధాన్యాలను సమర్పించి మొక్కుకోగా.. వాతావరణ కాలుష్యం కారణంగా ఇలాంటి పరిస్థితులు చోటు చేసుకున్నట్లు పర్యావరణ వేత్తలు వ్యాఖ్యానించారు.