TV
బాలకృష్ణకు ఖాళీ బిందెలతో స్వాగతం
టీడీపీ హిందూపురం ఎమ్మెల్యే నందమూరి బాలకృష్ణకు తన సొంత నియోజకవర్గ పర్యటనలో తొలిరోజే చుక్కెదురైంది.
అనంతపురం: టీడీపీ హిందూపురం ఎమ్మెల్యే నందమూరి బాలకృష్ణకు తన సొంత నియోజకవర్గ పర్యటనలో తొలిరోజే చుక్కెదురైంది. నియోజకవర్గంలో పర్యటిస్తున్న బాలయ్యకు స్థానిక ప్రజలు ఖాళీ బిందెలతో స్వాగతం పలికారు. హిందూపురం మున్సిపాలిటీ పరిధిలోని కొల్లకుంటలో గత మూడు నెలలుగా తాగునీరు రావడం లేదంటూ మహిళలు ఖాళీ బిందెలతో బైఠాయించారు. ఎన్నికల సమయంలో చేసిన వాగ్దానాలు మరిచారంటూ బాలకృష్ణని మహిళలు ఈ సందర్భంగా నిలదీశారు. పరిస్థితి ఉద్రిక్తంగా మారటంతో పోలీసులు రంగంలోకి దిగి, మహిళలను శాంతపరిచారు.
