TV
అమెరికాలో విశాఖ వైద్యుడికి అరుదైన గౌరవం
డాక్టర్‌ కల్యాణ్‌కు రెండు పురస్కారాలు
మహారాణిపేట: విశాఖపట్నానికి చెందిన ప్రముఖ మానసిక వైద్య నిపుణుడు డాక్టర్‌ కె.కల్యాణ్‌ రెండు ప్రతిష్టాత్మక అంతర్జాతీయ పురస్కారాలను అందుకున్నారు. ఆదివారం అమెరికాలో జరిగిన ఒక కార్యక్రమంలో.. మానసిక వైద్య విద్యారంగంలో ఆయన చేసిన విశేష కృషికి గుర్తింపుగా ఈ అవార్డులను ప్రకటించారు. 2015లో అమెరికా వెళ్లడానికి ముందు డాక్టర్‌ కల్యాణ్‌ విశాఖలోని ఒక ఆసుపత్రిలో వైద్యుడిగా పనిచేశారు. ఈ సందర్భంగా ఆయన మాట్లాడుతూ.. తన వైద్య ప్రస్థానం భారత్‌లోనే ప్రారంభమైందని, ఈ పురస్కారాలు కేవలం వ్యక్తిగత మైలురాయి మాత్రమే కావని పేర్కొన్నారు. విశాఖకు చెందిన వ్యక్తిగా ఈ గౌరవం దక్కడం పట్ల ఆయన ఆనందం వ్యక్తం చేశారు.
