దొరల దౌర్జన్యాలకు వ్యతిరేకం.. సెంట్రల్‌

దొరల దౌర్జన్యాలకు వ్యతిరేకం.. సెంట్రల్‌

తమిళసినిమా: కామందుల దౌర్జన్యాలకు వ్యతిరేకంగా రూపొందుతున్న కథా చిత్రం సెంట్రల్‌. శ్రీరంగనాథన్‌ మూవీ మేకర్స్‌ పతాకంపై వియాప్పియన్‌ దేవరాజు, సదా కుమారగురు, తమిళ్‌ శివలింగం కలిసి నటిస్తున్న చిత్రం ఇది. దీనికి కథ, కథనం, మాటలు, పాటలు, దర్శకత్వం బాధ్యతలను భారతీ శివలింగం నిర్వహిస్తున్నారు. షూటింగ్‌ను పూర్తి చేసుకున్న ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది. చిత్ర వివరాలను దర్శకుడు తెలుపుతూ శ్రమకు కులం మతం, ప్రాంతం, భాష లేదని, అందరూ ఒకటే అనే ఇతివృత్తంతో తెరకెక్కిస్తున్న చిత్రం సెంట్రల్‌ అన్నారు. ప్రపంచం అభివృద్ధి చెందుతున్న కాలం నుంచి ఇప్పటివరకు మనకు ఉపయోగిస్తున్నవన్నీ శ్రమతోనేనని, శ్రామికులు లేకపోతే అభివృద్ధే సాధ్యం కాదన్నారు. అలాంటిది కామందుల పేరుతో కొందరు శ్రామికులపై ఎలాంటి దౌర్జన్యాలకు పాల్పడుతున్నారన్న పలు అంశాలను ఆవిష్కరించే చిత్రం సెంట్రల్‌ అని చెప్పారు. చైన్నె మహా నగరానికి ఉన్న గుర్తింపుల్లో సెంట్రల్‌ స్టేషన్‌ ఒకటన్నారు. అలా ఒక గ్రామీణ యువకు డు కుటుంబ పరిస్థితుల కారణంగా పని కోసం చైన్నె సెంట్రల్‌ స్టేషన్‌కు చేరుకుంటాడన్నారు. అక్కడ దొరత నం కారణంగా ఎలాంటి కష్టాలను ఎదుర్కొన్నాడు, వాటి నుంచి ఎలా బయట పడ్డాడు తదితర అంశాలతో సెంట్రల్‌ చిత్రం కథ సాగుతుందని చెప్పారు. ఇందులో కాక్కా ముట్టై చిత్రం ఫేమ్‌ విఘ్నేష్‌ కథానాయకుడిగా, నటి సోనేశ్వరి నాయకిగా నటిస్తుండగా, దర్శకుడు పేరరసు కీలక పాత్రను, చిత్తా దర్శన్‌, ఆరుబా లా, మెదక్కు రాజా, అన్బుమణి, కవినిలవన్‌, ఓం గణేష్‌ తదితరులు ముఖ్యపాత్రలు పోషిస్తున్నారని చెప్పారు. వినోద్‌ గాంధీ ఛాయాగ్రహణం, ఇలా సంగీతాన్ని అందిస్తున్న ఈ చిత్రం ఆడియో ఆవిష్కరణ కార్యక్రమాన్ని త్వరలోనే భారీ ఎత్తున నిర్వహించనున్నట్లు దర్శకుడు తెలిపారు.