తల్లీబిడ్డ ఎక్స్‌ప్రెస్‌ డ్రైవర్ల ధర్నా

తల్లీబిడ్డ ఎక్స్‌ప్రెస్‌ డ్రైవర్ల ధర్నా

శ్రీకాకుళం పాతబస్టాండ్‌: తల్లీబిడ్డ ఎక్స్‌ప్రెస్‌ పథకంలో పనిచేస్తున్న కెప్టెనన్‌(డ్రైవర్లు)ల సమస్యలు పరిష్కరించాలని కోరుతూ మంగళవారం కలెక్టరేట్‌ వద్ద సిబ్బంది నిరసన వ్యక్తం చేశారు. ఈ సందర్భంగా సంఘ జిల్లా అధ్యక్ష కార్యదర్శులు పి.శ్రీనివాసరావు, దశరథ మాట్లాడుతూ మారుమూల ప్రాంతాలకు సైతం సురక్షితంగా తల్లీబిడ్డలను చేర్చుతున్న తమకు ఉద్యోగ భద్రత కల్పించాలని, కనీస వేతనం అమలు చేయాలని కోరారు. వాహనాల సంఖ్యను బట్టి అదనపు సిబ్బందిని నియమించాలన్నారు. నిరసన కార్యక్రమంలో సీఐటీయూ జిల్లా ఉపాధ్యక్షులు కె.సూరయ్య,టౌన్‌ కన్వీనర్‌ ఆర్‌.ప్రకాశరావు, సిబ్బంది కె.రాజేశ్వరరావు, కె.కృష్ణంనాయుడు, ఎల్‌.రాంబాబు, పి.వెంకటరావు, ఎం.మణికంఠ, పి.అనంత్‌, ఎస్‌.రాజశేఖర్‌, బి.చిరంజీవి తదితరులు పాల్గొన్నారు.