స్వర్ణవంశీ - శుభోదయం మ్యూజిక్‌ అవార్డు అందుకున్న విజయలక్ష్మీ

వంశీ ఆర్ట్‌ థియేటర్స్‌ ఇంటర్నేషనల్‌ ఇండియా, శుభోదయం గ్రూప్‌ ఇండియాలు సంయుక్తంగా  సింగింగ్‌ స్టార్‌ విజయలక్ష్మికి స్వర్ణ-వంశీ శుభోదయం మ్యూజికల్‌ అవార్డు-2021ని ప్రకటించారు. శుభోదయం గ్రూప్‌ మేనేజింగ్‌ చైర్మన్‌, డైరెక్టర్‌ లక్ష్మీ ప్రసాద్‌ కలపటపు ఈ అవార్డు బహూకరించారు. శుభోదయం ఛైర్మన్‌ డాక్టర్‌ లక్ష్మీప్రసాద్‌ మాట్లాడుతూ.. శుభోదయం గ్రూప్‌ తెలుగు సంస్కృతికి, తెలుగు భాషకు దోహదం చేసే కార్యక్రమాలకు అంతర్జాతీయంగా సహకరిస్తుందన్నారను. గత 50 ఏళ్లుగా వంశీ సంస్థ సాంస్కృతిక సేవారంగాలకు ఎనలేని సేవ చేస్తుందన్నారు.

 ఈ సందర్భంగా నేషనల్‌ బ్యాంకార్డ్‌ అధ్యక్షులు ఇఫ్తెకార్‌ షరీఫ్‌ మాట్లాడుతూ ‘అమెరికా, యూకే, గల్ఫ్‌, మలేషియా, రష్యా, ఆస్ట్రేలియా తదితర దేశాలు పర్యటించి తెలుగు, హిందీ, మళయాళం, కన్నడ, తమిళం, రాజస్థానీ, ఒరియా భాషలలో విజయలక్ష్మి అనేక పాటలు పాడరని ప్రశంసించారు. ఈ కార్యక్రమంలో అమెరికా నుంచి ప్రముఖ గాయని శారద ఆకునూరి, సింగపూర్‌నుంచి శ్రీ సాంస్కృతిక కళాసారథి అధ్యక్షులు రత్నకుమార్‌ కవుటూరు, రాధికా మంగిపూడి, తెలుగు కళాసమితి ఖతార్‌ నుంచి దాని అధ్యక్షులు తాతాజీ ఉసిరికలు పాల్గొన్నారు.