నెట్‌ఫ్లిక్స్‌లో ట్రెండింగ్‌లో అజిత్‌కుమార్‌ 'తెగింపు' మూవీ

బాక్సాఫీస్ దగ్గర హిట్ కొట్టి, ఓటీటీలో కూడా దుమ్మురేపే సినిమాలు, చాలా అరుదుగా ఉంటాయి. ఎందుకంటే ఆల్రెడీ థియేటర్ లో వారాల తరబడి ఆడిన చిత్రాన్ని, ఓటీటీలోకి ఎంట్రీ ఇవ్వగానే పెద్దగా చూపించరు ఆడియెన్స్. ఈ మధ్య ఆర్‌ఆర్‌ఆర్‌ మాత్రమే, బాక్సాఫీస్ను మించి ఓటీటీలో ఆదరణ అందుకుంది. ఇప్పుడు అజిత్ నటించిన తెగింపు కూడా అంతే, నెట్ ఫ్లిక్స్ కు వ్యూస్ వర్షాన్ని కురిపిస్తోంది.

అజిత్ నటించిన తెగింపు ఎక్కడా, రాజమౌళి తెరకెక్కించిన ఆర్‌ఆర్‌ఆర్‌ ఎక్కడా, ఈ రెండు చిత్రాలకు పోలీక ఏంటి, ఏమైనా సంబంధం ఉందా అంటూ మండి పడిపోకుండి. నిజానికి మీరు అనుకున్నది నిజమే.  ఈ రెండిటికి ఎక్కడా లింక్ లేదు. బాక్సాఫీస్ దగ్గర ఆర్‌ఆర్‌ఆర్‌ 1100 కోట్లకు పైగా రాబడితే, తెగింపు వరల్డ్ వైడ్ గా 250 కోట్లు రాబట్టింది. అయితే ఓటీటీలో మాత్రం, ఆర్‌ఆర్‌ఆర్‌ ఏ విధంగా ట్రెండ్ అయిందో, అదే విధంగా ట్రెండ్ అవుతోంది.

ఇటీవలే నెట్‌ఫ్లిక్స్‌లో రిలీజైంది తెగింపు మూవీ. తెలుగు,తమిళ, హిందీ భాషల్లో నెట్‌ఫ్లిక్స్‌ సబ్ స్క్రైబర్స్‌కికు అందుబాటులో ఉంది. దాంతో ఈ సినిమాను తెగ చూసేస్తున్నారు నెటిజన్స్. ఇండియా దాటి విదేశాల్లో సైతం అజిత్ సినిమాకు బ్రహ్మరథం పడుతున్నారు. దాంతో ఈ సినిమా రిలీజైనప్పటి నుంచి, నెట్ ఫ్లిక్స్ లో ట్రెండ్ లోనే ఉంటుంది.

తెగింపుకు ఇలాంటే క్రేజ్ కంటిన్యూ అయితే మాత్రం, రాబోయే రోజుల్లో నయా రికార్డులు బద్దలు కొట్టడం ఖాయం.  మొత్తంగా తమిళ దర్శకుడు వినోద్ తెరకెక్కించిన, ఈ హీస్ట్ డ్రామా ఎలాంటి అంచనాలు లేకుండా థియేటర్స్ లోకి వచ్చి, దళపతి విజయ్ నటించిన వారసుడితో పోటీ పడి, భారీ వసూళ్లను అందుకుంది. కోలీవుడ్ బాక్సాఫీస్ దగ్గర బిగ్ హిట్ గా నిలిచింది. ఇప్పుడు ఓటీటీలోనూ అదే స్థాయిలో షేక్ చేస్తోంది.