రెండు దశాబ్దాల క్రితం ఏర్పాటు

రెండు దశాబ్దాల క్రితం ఏర్పాటు

● స్థానిక ఇందిరాప్రియదర్శినీ కాలనీలో ఎక్కువగా కూలీ పని చేసుకునే కుటుంబాలు ఉంటాయి.

● వాటిని దృష్టిలో పెట్టుకుని రెండు దశాబ్దాల క్రితం పాఠశాలను ఏర్పాటు చేశారు.

● ప్రారంభంలో పాఠశాలలో విద్యార్థుల సంఖ్య 175కి పైగా ఉండేది.

● తర్వాత సంఖ్య తగ్గుతూ వస్తోంది. ప్రస్తుతం కేవలం 32 మంది మాత్రమే ఉండడం గమనార్హం.

● సమీపంలో ఏళ్ల క్రితమే మరో ప్రభుత్వ పాఠశాల ఏర్పాటు కావడంతోపాటు.. ఈ పాఠశాలలో నెలకొన్న సమస్యలు కారణమనే అభిప్రాయం వ్యక్తమవుతోంది.

● ప్రహరీ లేక పొంచి ఉన్న ప్రమాదం

● పాఠశాల చుట్టూ ప్రహరీ లేకపోవడంతోనే సమస్యలు ఉత్పన్నమవుతున్నాయనే విమర్శలు ఉన్నాయి.

● ముఖ్యంగా పాఠశాల పక్కనే చెరువు, పంట పొలాలు ఉండడంతో అందులోనుంచి విష సర్పాలు పరిసరాల్లోకి వస్తున్నాయి. దీనివల్ల పాఠశాలకు పిల్లలను పంపడానికి తల్లిదండ్రులు భయాందోళనకు గురవుతున్నారు.

● ఈ కారణంగా కొందరు తమ పిల్లలను పాఠశాల నుంచి తీసి మరో పాఠశాలలో చేర్పించినట్లు తెలిసింది.

● రాత్రిపూట మందుబాబులు పాఠశాలకు వచ్చి అక్కడి వరండాల్లో కూర్చుని మద్యం సేవిస్తున్నారు. అక్కడే సీసాలను పగులగొట్టడం, మూత్ర విసర్జన చేయడం వంటివి చేస్తుండడం ఇబ్బందిగా మారింది.

● మెట్‌పల్లి మండలంలోని పెద్దాపూర్‌ గురుకులంలో కొన్ని నెలల క్రితం ఒక విద్యార్థి మృతి చెందడంతోపాటు పలువురు అస్వస్థతకు గురయ్యారు. వీటికి పాము కాట్లు కారణమనే ప్రచారం జరిగింది.

● ప్రస్తుతం ఇందిరా ప్రియదర్శినీ కాలనీ పాఠశాలలో పాముల భయం నెలకొంది. అయినా ఉన్నతాధికారులు పాఠశాలను సందర్శించి తగు చర్యలు తీసుకునే విషయంలో నిర్లక్ష్యం చూపుతున్నారు.

● ఏదైనా ప్రమాదం జరిగితేనే అధికార యంత్రాంగంలో చలనం వస్తోందే తప్ప.. అప్పటి వరకు సమస్యలు తమ దృష్టికి వచ్చినప్పటికీ పట్టించుకోరనే విమర్శలు వ్యక్తమవుతున్నాయి.

● ప్రహరీ నిర్మాణం కోసం అవసరమైన నిధులను మంజూరు చేయాలని ఇప్పటికే స్థానిక విద్యా శాఖ సిబ్బంది పలుమార్లు ప్రతిపాదనలు పంపారు. అవి బుట్టదాఖలవుతున్నాయనే కానీ..సమస్య మాత్రం పరిష్కారం కావడం లేదు.

ఆవరణలో సంచరిస్తున్న పాము