TV
రోడ్డు ప్రమాదంలో వీఆర్‌ఏకు గాయాలు
ఎల్లారెడ్డిపేట(సిరిసిల్ల): రాజన్నసిరిసిల్ల ఎల్లారెడ్డిపేట తహసీల్దార్‌ ఆఫీస్‌ ఎదుట శనివారం జరిగిన రోడ్డు ప్రమాదంలో వీఆర్‌ఏతోపాటు మరొకరు తీవ్రంగా గాయపడ్డాడు. వీఆర్‌ఏ పరిస్థితి విషమంగా ఉంది. ఎస్సై రమాకాంత్‌ తెలిపిన వివరాలు. మండల కేంద్రానికి చెందిన బాధ పెద్దరాములు తహసీల్దార్‌ ఆఫీస్‌లో వీఆర్‌ఏగా పనిచేస్తున్నారు. శనివారం విధులకు హాజరయ్యేందుకు తన ద్విచక్రవాహనంపై వెళ్తుండగా.. రాజన్నపేటకు చెందిన తిమోతి అనే యువకుడు బైక్‌పై వేగంగా వస్తూ ఢీకొట్టాడు. ఈ ప్రమాదంలో రాములు కుడికాలు విరిగింది. తిమోతి స్వల్పంగా గాయపడ్డాడు. క్షతగాత్రులను 108 వాహనంలో స్థానిక ప్రైవేట్‌ ఆస్పత్రికి తరలించారు. రాములను బీఆర్‌ఎస్‌ జిల్లా అధ్యక్షుడు తోట ఆగయ్య, రెడ్డి సంఘం జిల్లా అధ్యక్షుడు గుండారపు కృష్ణారెడ్డి, కాంగ్రెస్‌ నాయకులు నంది కిషన్‌, బండారి బాల్‌రెడ్డి, బాధ రమేశ్‌ పరామర్శించారు. తహసీల్దార్‌ సుజాత రాములును పరామర్శించి, పరిస్థితి గురించి తెలుసుకున్నారు. రెవెన్యూశాఖ తరఫున తక్షణసాయంగా రూ.20వేలు ఆర్‌ఐ శ్రావణ్‌మార్‌ రాములు కుటుంబానికి అందజేశారు.
పరిస్థితి విషమం
