TV
పంట రుణాలను రెన్యూవల్‌ చేయాలి
ములుగు రూరల్‌: రైతులు తీసుకున్న పంట రుణాలను రెన్యూవల్‌ చేయాలని రైతు సంఘం జిల్లా ప్రధాన కార్యదర్శి ఎండి. అమ్జద్‌పాషా అన్నారు. ఈ మేరకు సోమవారం జంగాలపల్లి యూనియన్‌ బ్యాంక్‌ వద్ద రైతులతో కలిసి ధర్నా నిర్వహించారు. అనంతరం బ్యాంక్‌ మేనేజర్‌కు వినతిపత్రం అందించారు. ఈ సందర్భంగా ఆయన మాట్లాడుతూ రాష్ట్ర ప్రభుత్వం ఎన్నికల సమయంలో ఇచ్చిన హామీ మేరకు రైతులకు రూ. 2లక్షల రుణమాఫీ చేయాలన్నారు. జిల్లాలో 30 శాతం మంది రైతులకు మాత్రమే పట్టాలు ఉన్నాయన్నారు. గతంలో మాదిరిగా పహానీనకల్‌ ఆధారంగా రుణాలు అందించాలని కోరారు. ఈ కార్యక్రమంలో నాయకులు కృష్ణయ్య, భిక్షపతి పాల్గొన్నారు.
రైతుసంఘం జిల్లా ప్రధాన కార్యదర్శి
అమ్జద్‌పాషా
