TV
విధుల్లో నిర్లక్ష్యం వహిస్తే చర్యలు
డీఎంహెచ్‌ఓ బి.సాంబశివరావు
గీసుకొండ: విధుల్లో నిర్లక్ష్యంగా వ్యవహరించే వారిపై చర్యలు తప్పవని వరంగల్‌ డీఎంహెచ్‌ఓ డాక్టర్‌ బి.సాంబశివరావు అసహనం వ్యక్తం చేశారు. బుధవారం జిల్లా వైద్య, ఆరోగ్యశాఖ కార్యాలయంలో పల్లెదవాఖాన వైద్యులు, సూపర్‌వైజర్లతో ఏర్పాటు చేసిన సమీక్ష సమావేశంలో ఆయన మాట్లాడారు. మానసికంగా, శారీరకంగా ఎదుగుదల లేని పిల్లలను గుర్తించి పీహెచ్‌సీలు, ఆయుష్మాన్‌ ఆరోగ్య కేంద్రాల్లో వైద్య సేవలందించాలన్నారు. ప్రోగ్రాం అధికారులు అన్ని కార్యక్రమాలను పర్యవేక్షించి అనుకున్న ఫలితాలు రాబట్టాలన్నారు. డిప్యూటీ డీఎంహెచ్‌ఓ ప్రకాశ్‌, ప్రోగ్రాం అధికారులు రవీందర్‌, ఆచార్య తదితరులు పాల్గొన్నారు.
