క్వారీ తిరునాళ్లకు భారీ విద్యుత్‌ ప్రభలు

● దాదాపు వంద అడుగుల ఎత్తులో నిర్మించే భారీ విద్యుత్‌ ప్రభలు సుమారు రూ. 5 లక్షల నుంచి రూ.10 లక్షల వ్యయంతో రూపుదిద్దుకుంటున్నాయి. నారాకోడూరు–జీబీసీ రోడ్డులోని శివాలయం ఎదురుగా మిత్ర మండలి, తెనాలి రోడ్డులోని గ్రామ ప్రభ, గుంటూరు రోడ్డులోని మార్కెట్టు కాంప్లెక్స్‌ ఎదురుగా గ్రామ సెంటర్‌ భారీ విద్యుత్‌ ప్రభలు తుది మెరుగులు దిద్దుకుంటున్నాయి. ● చేబ్రోలు గ్రామ ప్రభ, గుండవరం, గొడవర్రు, సుద్దపల్లి గ్రామ ప్రభలు ముస్తాబవుతున్నాయి. గత వంద సంవత్సరాలుగా దేవాలయానికి భక్తులు ప్రభలు నిర్మించుకురావటం ఇక్కడ ఆనవాయితీగా వస్తోంది. ● ఇక క్వారీ దేవాలయం వద్ద అన్ని శాఖల అధికారుల భక్తుల కోసం ఏర్పాట్లు చేస్తున్నారు. ● దేవాలయం పరిసర భూములు క్వారీలుగా మారటంతో పాటు దేవాలయం చుట్టుపక్కల గోడలు నిర్మించటంతో దేవాలయం చుట్టూ వాహనాలు రాకపోకలు సాగించటానికి కొంత ఇబ్బంది ఏర్పడుతున్నది. దేవాలయం వద్దకు వ్యాపారాలు నిర్వహించుకోవటానికి చిరు వ్యాపారులు తరలివస్తున్నారు. జెయింట్‌ వీల్‌, రంగుల రాట్నాలు, ట్రైన్స్‌ ,తదితర ఏర్పాట్లు చేసుకున్నారు. ● దేవదాయశాఖ ఆధ్వర్యంలో మూడు రోజులపాటు పలు కార్యక్రమాలు నిర్వహించనున్నారు. ● సుద్దపల్లి, నారాకోడూరు, శలపాడు గ్రామాలకు చెందిన పొక్లయినర్‌ యజమానులు, లారీ యజమానులు క్వారీ బాలకోటేశ్వరస్వామికి పూజలు నిర్వహించిన అనంతరమే పనులు ప్రారంభిస్తుంటారు.