-
ఫీల్డ్లోనే సహచర ఆటగాడ్ని కొట్టిన క్రికెటర్
ఖుల్నా: క్రికెట్ మైదానంలోనే సహచర క్రికెటర్పై భౌతిక దాడికి పాల్పడిన బంగ్లాదేశ్ క్రికెటర్ షహదాత్ హుస్సేన్పై ఏడాది నిషేధం పడింది. బంగ్లాదేశ్ నేషనల్ క్రికెట్ లీగ్లో భాగంగా ఢాకా డివిజన్-ఖుల్నా డివిజన్ల మధ్య జరుగుతున్న మ్యాచ్లో షహదాత్ దాడికి పాల్పడ్డాడ్డు. బంతిని ఒకవైపే షైన్ చేయొద్దంటూ సహచర ఆటగాడు ఆరాఫత్ సన్నీ చెప్పడంతో ఆగ్రహానికి గురైన షహదాత్ దాడికి దిగాడు. ఫీల్డ్లో అంతా చూస్తుండగానే ఎందుకు షైన్ చేయకూడదంటూ ఆరాఫత్పై చేయి చేసుకున్నాడు. దాంతో ఒక్కసారిగా ఉలిక్కిపడిన తోటి ఆటగాళ్లు అక్కడకి వచ్చి కొట్లాటను అడ్డుకున్నారు. దీనిపై ఆరాఫత్ మాట్లాడుతూ.. బంతిని ఒక వైపే మెరుపు చేయడం మంచి పద్ధతి కాదని షహదాత్కు చెప్పిన క్రమంలో అతను తనతో గొడవకు దిగాడన్నాడు. అదే సమయంలో తనను కొట్టాడని పేర్కొన్నాడు. దీనిపై బంగ్లాదేశ్ క్రికెట్ బోర్డు(బీసీబీ)సీరియస్ అయ్యింది. జట్టులోని సహచర ఆటగాడిగాపై చేయి చేసుకున్న షహదాత్పై ఏడాదిపాటు నిషేధం విధిస్తూ నిర్ణయం తీసుకుంది. లెవల్ 4 నిబంధనను ఉల్లంఘించిన కారణంగా షహదాత్పై 12 నెలలు నిషేధం విధించినట్లు స్పష్టం చేసింది. దాంతో ప్రస్తుతం జరుగుతున్న నేషనల్ క్రికెట్ లీగ్ నుంచి షహదాత్ వైదొలిగాల్సి వచ్చింది. తాజా వివాదంపై షహదాత్ మాట్లాడుతూ.. ‘ నేను సస్పెండ్ అయిన కారణంగా ఎన్సీఎల్ ఆడటం లేదు. భవిష్యత్తులో కూడా ఏమవుతుందో చెప్పలేను. నా సహనాన్ని కోల్పోయిన మాట వాస్తవం. కానీ అతను కూడా నాతో అసభ్యంగా ప్రవర్తించాడు. అందుకే అతన్ని చేయి చేసుకునే వరకూ వెళ్లాల్సి వచ్చింది. నేను బంతిని షైన్ చేస్తుంటే వద్దన్నాడు. ఎందుకు అని అడిగా. కానీ గట్టిగా అరుస్తూ నన్ను ఏదో అన్నాడు. అది నేను జీర్ణించుకోలేకపోయాను. ఆ క్రమంలోనే కొట్టాల్సి వచ్చింది’ అని తెలిపాడు. బంగ్లాదేశ్ తరఫున 38 టెస్టులు ఆడిన షహదాత్ 72 వికెట్లు తీశాడు.ఇక 51 వన్డేలు ఆడి 47 వికెట్లు సాధించాడు. 2015లో ఒకసారి షహదాత్పై బంగ్లాదేశ్ క్రికెట్ బోర్డు నిషేధం విధించింది. భార్యను వేధించిన కేసులో షహదాత్ ఇరుక్కోవడంతో అతనిపై నిషేధం పడింది. ఆపై కొన్ని నెలలకు షహదాత్ అభ్యర్థన మేరకు నిషేధాన్ని సడలించి దేశవాళీ క్రికెట్ ఆడటానికి అనుమతి ఇచ్చింది. 2015లో బంగ్లాదేశ తరఫున షహదాత్ చివరిసారి ఆడాడు. -
వివాదస్పద క్రికెటర్ పై నిషేధం తొలగింపు
ఢాకా: క్రికెటర్ షాదత్ హుస్సేన్ పై విధించిన నిషేధాన్ని బంగ్లాదేశ్ ఎత్తివేసింది. స్వదేశంలో మ్యాచ్ లు ఆడేందుకు అతడిని అనుమతించింది. క్రిమినల్ కేసు ఎదుర్కొన్న హుస్సేన్ పై గతేడాది బంగ్లాదేశ్ క్రికెట్ బోర్డు(బీసీబీ) నిషేధం విధించింది. తన ఇంట్లో పనిచేసే 11 ఏళ్ల బాలికను అతడు వేధించినట్టు ఆరోపణలు రావడంతో దుమారం రేగింది. ఈ వివాదం మీడియాలో హైలెట్ కావడంతో హుస్సేన్ తో పాటు అతడి భార్య న్రిట్టో షాదత్ ను పోలీసులు అరెస్ట్ చేశారు. ఈ నేపథ్యంలో అతడిపై బీసీబీ చర్య తీసుకుంది. తాను తప్పు చేయలేదని బుకాయించిన హుస్సేన్ ఎట్టకేలకు క్షమాపణ చెప్పాడు. తాను తప్పు చేశానని, మన్నించాలని ఏప్రిల్ 28న బీసీబీని వేడుకున్నాడు. ఈ కేసులో నేరం రుజువయితే హుస్సేన్, అతడి భార్యకు 14 ఏళ్ల జైలు శిక్ష పడుతుంది. అయితే హుస్సేన్ తో బాధిత బాలిక కుటుంబంతో రాజీకి వచ్చిందని సన్నిహిత వర్గాలు వెల్లడించాయి. బాలిక కుటుంబానికి హుస్సేన్ డబ్బు ముట్టజెప్పి, తనపై ఆరోపణలను ఉపసంహరించుకునేలా ఒప్పించాడని తెలిపాయి. -
దోషీగా తేలితే బంగ్లా క్రికెటర్కు 14 ఏళ్ల జైలు
ఢాకా: ఇంట్లో పనిచేసే అమ్మాయిని చిత్రహింసలకు గురి చేశారని ఆరోపణలు ఎదుర్కొంటున్న బంగ్లాదేశ్ క్రికెటర్ షహదత్ హుస్సేన్ దంపతులు దోషులుగా తేలితే 14 ఏళ్ల జైలు శిక్షపడనుంది. షహదత్, ఆయన భార్య నృటో షహదత్పై ఛార్జిషీట్ దాఖలు చేసినట్టు పోలీసులు తెలిపారు. షహదత్ దంపతులు తమ ఇంట్లో పనిచేసే 11 ఏళ్ల అమ్మాయిని హింసించినట్టు వారిపై కేసు నమోదైన సంగతి తెలిసిందే. ఇటీవల పోలీసులు వీరిద్దరినీ అరెస్ట్ చేశారు. షహదత్ దంపతులపై వచ్చిన ఆరోపణలు తమ ప్రాథమిక దర్యాప్తులో నిజమని తేలినట్టు పోలీసులు చెప్పారు. కాగా తాము ఎలాంటి తప్పూ చేయలేదని షహదత్ వాదిస్తున్నాడు. తన కెరీర్ను నాశనం చేయడానికి కుట్ర చేశారని ఆరోపించాడు. అతనిపై ఆరోపణలు రాగానే అన్ని ఫార్మాట్ల నుంచి బంగ్లా క్రికెట్ బోర్డు సస్పెండ్ చేసింది. బంగ్లా తరపున షహదత్ 38 టెస్టులు, 51 వన్డేలు ఆడాడు. -
బాలికను వేధించిన క్రికెటర్
ఢాకా: అతడు అంతర్జాతీయ క్రికెట్లో ప్రత్యర్థులకు చెమటలు పట్టించిన బౌలర్. అతి తక్కువ సమయంలోనే దేశ వ్యాప్తంగా అభిమానులను సంపాదించుకుని క్రికెట్లో హీరోగా మారాడు. అతను ఓ బాలికను అతి కిరాతకంగా హింసించాడని తెలిసి దేశం నివ్వెరపోయింది. ఇదంతా బంగ్లాదేశ్ క్రికెటర్ షాదత్ హుస్సేన్ గురించి. తమ ఇంట్లో పనిచేసిన 11 ఏళ్ల మహఫుజా అక్తర్ అనే బాలిక షాదత్ హుస్సేన్, అతని భార్య న్రిట్టో షాదత్ కలిసి తీవ్రంగా వేధించారు. ముద్దుగా హ్యాపీ అని పిలువబడే మహఫుజా అక్తర్ను క్రికెటర్ వేధించాడనే విషయం ఇప్పుడు బంగ్లాదేశ్లో సంచలనం రేపుతోంది. హ్యాపీది పేద కుటుంబం. తల్లిదండ్రులు ఎలా ఉంటారో ఆమెకు తెలియదు. హ్యాపీని సాకుతున్న అమ్మమ్మ క్రికెటర్ ఇంట్లో ఆమెను పనికి కుదిర్చింది. అయితే ఆ ఇంట్లో తనని నిత్యం కర్రలతో, వంటగదిలోని సామాన్లతో కొట్టేవారని హ్యాపీ తెలిపింది. దెబ్బలను భరించలేక ఎవరూ చూడని సమయంలో ఆ ఇంట్లో నుండి పారిపోయి వచ్చింది. ముఖంపై గాయాలతో కన్పించిన హ్యాపీని గమనించిన ఓ జర్నలిస్టు ఆసుపత్రికి తీసుకెళ్లి చికిత్స అందిచాడు. ఈ ఉదంతం తెలిసి బంగ్లాదేశ్ బాలల హక్కుల సంఘాలు భగ్గుమన్నాయి. బాలిక పట్ల కర్కశంగా ప్రవర్తించిన క్రికెటర్, అతని భార్యపై పోలీసులు కేసు నమోదు చేసి విచారణ జరుపుతున్నారు. నరకకూపం నుండి బయటపడిన హ్యాపీ స్వచ్ఛంద సంస్థ సంరక్షణలో ఉంది. తాను బడికి వెళ్లి చదువుకుంటానని, కాలేజీకి వెళ్తానని, తరువాత సినిమాల్లో నటిస్తానని అమాయకంగా చెబుతున్న హ్యాపీ.. తనను పనిలో కుదిర్చిన అమ్మమ్మపై ఎలాంటి కోపం లేదని చెబుతోంది. తమ పేదరికమే తనను అలా పనికి పంపేలా చేసిందని అమ్మమ్మ తప్పేం లేదని తెలిపింది. -
జైలుపాలయిన క్రికెటర్
ఢాకా: తమ ఇంట్లో పని చేసిన బాలికను వేధించి, తీవ్రంగా కొట్టినట్లు ఆరోపణలు ఎదుర్కొంటున్న కేసులో బంగ్లాదేశ్ క్రికెటర్ షహదత్ హుస్సేన్ కోర్టులో లొంగిపోయాడు. సోమవారం షహదత్ ఢాకా కోర్టులో హాజరయ్యాడు. కోర్టు ఆదేశాల మేరకు అతన్ని జైలుకు తరలించారు. ఇదే కేసులో షహదత్ భార్య న్రిట్టో హుస్సేన్ ను పోలీసులు ఆదివారం అరెస్ట్ చేశారు. షహదాత్ భార్య పుట్టింట్లో పోలీసులు సోదాలు చేపట్టి అరెస్ట్ చేశారు. ఈ కేసులో షహదత్ దంపతులు కొంతకాలంగా తప్పించుకుని తిరిగారు. భార్య అరెస్ట్ అయిన మరుసటి రోజే షహదత్ కోర్టులో లొంగిపోయాడు. ఇటీవలే షహదత్ హుస్సేన్ దంపతులు తమ ఇంట్లో పని చేస్తున్న బాలికను తీవ్రంగా కొట్టినట్లు కేసు నమోదైన సంగతి తెలిసిందే. బంగ్లా తరఫున షహదత్ 38 టెస్టులు, 51 వన్డేలు ఆడాడు.
Pagination
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- తాతా.. నీకు టాటా..
- తిరుమలలో వడగళ్ల వర్షం (ఫొటోలు)
- Daily Horoscope: ఈ రాశివారు చేపట్టిన పనులు పూర్తి చేసుకుంటారు
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- నిందితుడిని హంతకుడని ఎలా ముద్ర వేస్తారు?
- Rachana Banerjee: దీదీ కాదు... దీదీ నంబర్వన్
- కళ్లు చల్లబడ్డాయా బాబూ!
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
Advertisement