అత్యంత పెద్ద వయస్కుడు కన్నుమూత

Worlds oldest man Masazo Nonaka dies at his home in Japan - Sakshi

టోక్యో : ప్రపంచంలోనే అత్యంత పెద్ద వయస్కుడు, జపాన్‌కు చెందిన మసాజో నొనాకా(113) ఆదివారం కన్ను మూశారు. నొనాకాకు ఎలాంటి అనారోగ్య సమస్యలు లేవని, సహజ కారణాలతోనే ప్రశాంతంగా చనిపోయారని ఆయన కుటుంబ సభ్యులు చెప్పారు. ఉత్తర జపాన్‌లోని హక్కాయిడో దీవిలో ఆయన కుటుంబ సభ్యులు నాలుగు తరాలుగా రెస్టారెంట్‌ వ్యాపారం చేస్తున్నారు.

గతేడాది ఏప్రిల్‌లో గిన్నిస్‌ బుక్‌ నొనాకాను సజీవంగా ఉన్న అత్యంత వృద్ధ పురుషునిగా గుర్తించింది. అప్పుడు ఆయన వయసు 112 ఏళ్ల 259 రోజులు. 1905లో జన్మించిన నొనాకా..తన ఏడుగురు తోబుట్టువులు, భార్య, ముగ్గురు పిల్లల కన్నా ఎక్కువ కాలం జీవించారు. ప్రపంచంలోనే సజీవంగా ఉన్న అతిపెద్ద వయసున్న మనిషిగా రికార్డులకెక్కిన 116 ఏళ్ల కేన్‌ తనాకా(మహిళ) కూడా జపాన్‌కు చెందిన వారే.

Read latest World News and Telugu News | Follow us on FaceBook, Twitter

Tags: 
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top