యూవీ కొత్త ఇన్నింగ్స్‌.. డ్యాన్స్‌లతో ధూంధాం‌!

యూవీ కొత్త ఇన్నింగ్స్‌.. డ్యాన్స్‌లతో ధూంధాం‌!

న్యూఢిల్లీ: భారత స్ట్రైలిష్‌ క్రికెటర్‌ యువరాజ్‌ సింగ్‌ జీవితంలో కొత్త ఇన్నింగ్స్‌ను ఆరంభించబోతున్నాడు. తన ప్రియురాలు, బాలీవుడ్‌ నటి హజెల్‌ కీచ్‌ను ఆయన బుధవారం పెళ్లిచేసుకోబోతున్నాడు. యూవీ పెళ్లి వేడుకలు అంగరంగ వైభవంగా జరుగుతున్న సంగతి తెలిసిందే. మంగళవారం చండీగఢ్‌లోని లలిత హోటల్‌లో యూవీ సంగీత్‌ వేడుక అట్టహాసంగా జరిగింది. సినీ, క్రికెట్‌ ప్రముఖులు పాల్గొన్న ఈ వేడుకలో యూవీ డ్యాన్స్‌ స్పెషల్‌ హైలెట్‌గా నిలిచింది. సంగీత్‌ వేడుకలో భాంగ్రా స్టెప్పులు వేస్తూ యూవీ అదరగొట్టాడు. జోష్‌తో యూవీ చేసిన డ్యాన్స్ వీడియో ఇప్పుడు ఇంటర్నెట్‌లో హల్‌చల్‌ చేస్తోంది.

యూవీ పెళ్లి రెండుసార్లు జరగనుంది. బుధవారం చండీగఢ్‌లో సిక్కు సంప్రదాయాల ప్రకారం గురుద్వారలో యూవీ పెళ్లి చేసుకోనుండగా, శుక్రవారం (డిసెంబర్‌ 2న) హిందూ సంప్రదాయాల ప్రకారం గోవాలో వివాహం చేసుకోనున్నారు.

Vekho fir Bhangra Veah wale munde da Jani K Yuvraj singh