TV
కాంగ్రెస్ ఉపాధ్యక్షుడు రాహుల్‌ గాంధీ తెలంగాణ పర్యటన ఖరారైంది.
హైదరాబాద్‌: కాంగ్రెస్ ఉపాధ్యక్షుడు రాహుల్‌ గాంధీ తెలంగాణ పర్యటన ఖరారైంది. జూన్‌ 1న మధ్యాహ్నం 3.30 గంటలకు ప్రత్యేక విమానంలో బేగంపేటకు చేరుకోనున్న రాహుల్‌గాంధీ అక్కడి నుంచి రోడ్డు మార్గంలో సంగారెడ్డి చేరుకుంటారు. స్థానిక ఆర్‌ అండ్‌ బీ గెస్ట్‌హౌస్‌లో సాయంత్రం 5 గంటల నుంచి 6 వరకు పార్టీ ముఖ్యనేతలతో సమావేశమవుతారు. అనంతరం అంబేడ్కర్‌ స్టేడియంలో జరిగే తెలంగాణ ప్రజాగర్జన సభలో ప్రసంగిస్తారు. సభ ముగిసిన అనంతరం రోడ్డు మార్గం ద్వారా హైదరాబాద్‌కు చేరుకొని తిరిగి ఢీల్లికి బయలుదేరుతారని పీసీసీ అధ్యక్షుడు ఉత్తమ్‌ కుమార్‌ రెడ్డి తెలిపారు.
