కదిలిస్తే కన్నీళ్లే!

Migrant Workers Worried on Going Native Places From Hyderabad - Sakshi

వలస కూలీలకు తప్పని కరోనా కష్టాలు  

నగరంలో 95,859 మంది గుర్తింపు

284 వర్కింగ్‌ సైట్స్‌లో 41,740 మంది  

ఒక్కొక్కరికి 12 కిలోల బియ్యం, రూ.500 నగదు

మరోవైపు ఆపన్నహస్తం అందిస్తున్న ఎన్జీఓలు

మహానగరంలో.. వలస కూలీల బతుకులు దుర్భరంగా మారుతున్నాయి. తినడానికి తిండి లేక..ఉండడానికి సరైన నీడ లేక నానా అవస్థలు పడుతున్నారు. పది రోజులుగా పని లేకపోవడంతో పూట గడవడం కష్టమై..కదిలిస్తే కన్నీటి పర్యంతమవుతున్నారు. కరోనా లాక్‌డౌన్‌ నేపథ్యంలో వీరు సొంతూరుకు వెళ్లలేక..ఇక్కడ ఉపాధి లేక దిక్కుతోచని స్థితిలో మిగిలిపోయారు. నగరంలో అధికారిక లెక్కల ప్రకారం లక్షన్నరకు పైగానే వలస కూలీలు ఉన్నట్లు అంచనా. వాస్తవానికి ఈ సంఖ్య ఇంకా చాలా ఎక్కువే ఉంటుంది. వీరంతా ఇక్కడి చిన్న మధ్యతరహా పరిశ్రమల్లో..నిర్మాణ రంగంలో కూలీలుగా పనిచేస్తున్నారు. తెలుగు రాష్ట్రాల్లోని ఇతర జిల్లాల నుంచే కాకుండా ఒడిశా, బిహార్, చత్తీస్‌గడ్, మహారాష్ట్ర, ఉత్తర్‌ప్రదేశ్, మధ్యప్రదేశ్‌ నుంచి ఎక్కువ మంది ఇక్కడికి వస్తుంటారు. లాక్‌డౌన్‌ కారణంగా వీరికి ఎదురవుతున్న కష్టాలు గుర్తించిన ప్రభుత్వం..ప్రస్తుతం ఆదుకునే చర్యలు చేపట్టింది. వలస కార్మికుల్ని గుర్తించి ఒక్కొక్కరికి 12 కిలోల బియ్యం లేదా గోధుమ పిండి, రూ.500ల చొప్పున నగదు పంపిణీకి శ్రీకారం చుట్టాయి. స్వచ్చంద సంస్ధలు, ట్రేడ్‌ యూనియన్లు సైతం ఆదుకుంటున్నాయి.

సాక్షి, సిటీబ్యూరో/ఉప్పల్‌/కుత్బుల్లాపూర్‌/గచ్చిబౌలి/హఫీజ్‌పేట్‌: వలస కూలీలను కదిలిస్తే కన్నీళ్లు ఉబికి వస్తున్నాయి. లాక్‌డౌన్‌ కష్టాలతో తల్లడిల్లుతున్నారు. పది రోజులుగా పని లేకపోవడంతో పూట గడవటమే కష్టంగా మారింది. తిండి లేక ఆకలితో అలమటిస్తున్నారు. ఇంటి అద్దె, నెల చిట్టీలు, ఇప్పటికే తీసుకున్న అప్పుపై వడ్డీ, నిత్యావసర సరుకులన్నీ కలిపి తడిసి మోపెడు కానున్నాయి. రెక్కాడితే గాని డొక్కాడని బడుగు జీవుల పరిస్థితి అగమ్యగోచరంగా తయారైంది. కార్మికులకు, వలస కూలీలది గుండెల్ని  పిండేసే పరిస్థితి. కష్టకాలం నుంచి గట్టెక్కేదెలా అంటూ కన్నీటి పర్యంతమవుతున్నారు.

కార్మికుల అడ్డా..సిటీ..
హైదరాబాద్‌ మహా నగరం కార్మికుల అడ్డాకు చిరునామా. తెలుగు రాష్ట్రాల నుంచే కాకుండా ఇతర రాష్ట్రాల నుంచి కూడా ఉపాధి కోసం వలస కడుతున్నారు. గుండు సూది నుంచి క్షిపణిలో ఉపయోగించే అత్యంత కష్టతరమైన పరికరాల వరకు ఉత్పత్తిలో హైదరాబాద్‌ పరిశ్రమలు ఖ్యాతి గాంచాయి. నగరానికి వలస వచ్చే ప్రతి ఒక్కరికి ఇక్కడ పని లభిస్తోంది. మహానగర పరిధిలో  చిన్న, మధ్య తరహా పరిశ్రమలు సుమారు 45 వేలు ఉన్నట్లు అంచనా.  గ్రేటర్‌ పరిధిలో సుమారు ఐదారు లక్షల మంది కార్మికులు ఉంటారని సమాచారం. నిర్మాణ రంగంలో లక్ష మందికిపైగా ఉంటారని అధికారులు అంచనా. 

 కొంపల్లి ఏఎంఆర్‌ గార్డెన్‌లో ప్రభుత్వం కల్పించిన వసతి గృహంలో ఉన్న కూలీలు
వలస కూలీల గుర్తింపు..
హైదరాబాద్‌ మహా నగరంతో పాటు శివార్లలో పెద్ద ఎత్తున జరుగుతున్న భవన నిర్మాణ రంగం పనుల్లో పూర్తిగా వలస కూలీలే. ఒడిశా, బిహార్, ఛత్తీస్‌గఢ్, మహారాష్ట్ర, ఉత్తరప్రదేశ్, మధ్య ప్రదేశ్‌ నుంచి వలస వచ్చి భవన నిర్మాణ రంగంలో పనిచేస్తున్నారు. కరోనా లాక్‌డౌన్‌తో ఇక్కడ చిక్కుకున్నారు. ప్రభుత్వం వీరిని ఆదుకునేందుకు ఉపక్రమించింది. నగరంతో పాటు శివార్లలోని సుమారు 948 ప్రాంతాల్లో జరుగుతున్న భవన నిర్మాణ రంగం పనుల్లో సుమారు 98,859 పంది కూలీలు చిక్కుకున్నట్లు జీహెచ్‌ఎంసీ, రెవెన్యూ, కార్మిక శాఖ గుర్తించింది. వారిలో సంఘటిత  నిర్మాణ రంగంలో 41,740 మంది వలస  కార్మికులు 284 వర్కింగ్‌ సైట్‌ ఉన్నట్లు అధికారుల సర్వేలో తెలింది.

పూట గడవటమే కష్టంగా ఉంది
మాది ములుగు జిల్లా వెంకటాపురం మండలం ఉప్పేరు వీరపాలెం. ఏడాది క్రితం నా భర్త ఎల్లయ్యతో కలిసి కూలీ పనుల కోసం వలస వచ్చి అంజయ్యనగర్‌లో నివాసం ఉంటున్నాం.   పది రోజులుగా కూలీ లేకపోవడంతో చేతిలో డబ్బులు కూడా లేవు. పూట గడవడమే కష్టంగా ఉంది. అన్నపూర్ణ క్యాంటిన్‌లో భోజనం చేస్తున్నాం. రేషన్‌ బియ్యం, నగదు ఇంకా రాలేదు.   ఏం చేయాలో అర్థం కావడం లేదు. – ముక్తేషి, కూలీ, అంజయ్యనగర్‌  

అమ్మ ఊరికి రమ్మంటోంది  
మాది ఉత్తరప్రదేశ్‌. మియాపూర్‌లోని గోకుల్‌ ప్లాట్స్‌లోని నిర్మాణంలో ఉన్న ఓ భవనంలో పెయింటర్‌గా పని చేస్తున్నాను. వారం రోజుల క్రితం కాంట్రాక్టర్‌ ఇచ్చిన డబ్బులు, రేషన్‌తో గడిపాం. గ్యాస్‌ అయిపొయింది, కట్టెల పొయ్యి మీదు వండుకుంటున్నాం.  రేషన్‌ కూడా లేదు.  బంద్‌తో పనులు లేక తీవ్ర ఇబ్బందులు పడుతున్నాం.    – సునీల్, పెయింటర్‌

ఇబ్బందులుపడుతున్నాం
మామూలు రోజుల్లోనే కూలిపనులు దొరకడం అంతంత మాత్రం. ఇప్పుడు అసలు పనే దొరకని పరిస్థితి. గత కొన్ని రోజులుగా పనులు లేక, చేతిలో డబ్బులు లేక చాలా ఇబ్బంది పడుతున్నాం. మాకు రేషన్‌ కార్డు కూడా లేదు. తినడానికి ఇబ్బందులు తప్పడం లేదు.   – వెంకటనర్సింహ, పాలూరు గ్రామం,ప్రకాశం జిల్లా

బాసటగా నిలిచేందుకు..
వలస కార్మికులు ఆహార పదార్థాల కోసం ఇబ్బంది పడకుండా జీహెచ్‌ఎంసీ, రెవెన్యూ, కార్మిక, పౌరసరఫరాల శాఖ సంయిక్తంగా  ప్రత్యేక కార్యచరణ దిగాయి. వలస కార్మికులు గుర్తించి ఒక్కోక్కరికి 12 కిలోల బియ్యం లేదా గోధుమ పిండి, రూ.500ల చొప్పున పంపిణీకి శ్రీకారం చుట్టాయి. నగరంలోని 34,283 మంది వలస కార్మికులకు 411 మెట్రిక్‌ టన్నుల బియ్యాన్ని ఉచితంగా అందజేసేందుకు యంత్రాంగం చర్యలు చేపట్టింది. మరోవైపు వివిధ స్వచ్చంద సంస్ధలు, ట్రేడ్‌ యూనియన్లు సైతం వలస కార్మికులు ఆదుకునే చర్యలకు దిగాయి. మరోవైపు భవన నిర్మాణ కార్మికులకు తిరిగి పని కల్పించేంత వరకు ఆహారం అందించే బాధ్యత బిల్డర్లదేనని రెవెన్యూ అధికారులు ఆదేశాలు జారీ చేశారు. 

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

08-05-2021
May 08, 2021, 08:36 IST
సాక్షి, సిటీబ్యూరో: ఇది రామంతాపూర్‌లోని వివేకానగర్‌ కాలనీలో వెలసిన వారాంతపు సంత. జనం గుంపుల కొద్దీ పోగయ్యారు. తిరునాళ్లను తలపించారు....
08-05-2021
May 08, 2021, 07:06 IST
థర్డ్‌ వేవ్‌ కూడా ఉండొచ్చని నిపుణులు చెబుతున్నప్పుడు హటాత్తుగా ఆకాశం మేఘావృతమై ఓ చినుకు రాలినట్లుగా వినిపించిన మాట ఇది!...
08-05-2021
May 08, 2021, 04:43 IST
సాక్షి, అమరావతి: రాష్ట్రానికి నెలకు ఒక కోటి కోవిడ్‌–19 టీకాలు ఇవ్వాలని సీఎం వైఎస్‌ జగన్‌మోహన్‌రెడ్డి.. ప్రధాని నరేంద్ర మోదీకి...
08-05-2021
May 08, 2021, 04:16 IST
కోవిడ్‌ కారణంగా ఆయా రాష్ట్రాల్లో చిత్రీకరణలకు వీలు కుదరకపోవడంతో చాలామంది తమ సినిమా షూటింగ్‌ను గోవాకు షిఫ్ట్‌ చేశారు. అక్కడి...
08-05-2021
May 08, 2021, 04:02 IST
సాక్షి,న్యూఢిల్లీ : కరోనా వైరస్‌ సోకిన తరువాత కోలుకోవడం ఒక ఎత్తయితే.. కోలుకున్న తరువాత మరిన్ని జాగ్రత్తలు తీసుకోవడం మరో ఎత్తు....
08-05-2021
May 08, 2021, 03:45 IST
సాక్షి, అమరావతి: కరోనా రోగులకు ఆరోగ్యశ్రీ కింద ఉచిత వైద్య సేవలను ప్రభుత్వం మరింత అందుబాటులోకి తీసుకొచ్చింది. ఈ మేరకు...
08-05-2021
May 08, 2021, 03:36 IST
సాక్షి, హైదరాబాద్‌: కరోనా మహమ్మారి మరింతగా విజృంభిస్తుండటంతో రాష్ట్రంలో మరిన్ని ఆంక్షలను అమలు చేయాలని ప్రభుత్వం నిర్ణయించింది. రాష్ట్రంలో సామాజిక/రాజకీయ/క్రీడా/వినోద/విద్యా/మత/సాంస్కృతికపరమైన...
08-05-2021
May 08, 2021, 03:29 IST
సాక్షి, న్యూఢిల్లీ: గత కొన్ని రోజులుగా భారత్‌లో భారీగా నమోదవుతున్న కేసులు ప్రపంచ రికార్డులను తిరగరాస్తున్నాయి. వరుసగా మూడో రోజు...
08-05-2021
May 08, 2021, 03:26 IST
సాక్షి, అమరావతి:  జిల్లా స్థాయిలో కోవిడ్‌–19 వ్యాప్తిని కట్టడి చేయడానికి తీసుకోవాల్సిన చర్యలపై సమీక్షించేందుకు జిల్లా ఇన్‌చార్జి మంత్రుల అధ్యక్షతన...
08-05-2021
May 08, 2021, 03:20 IST
సాక్షి, అమరావతి: కోవిడ్‌ వ్యాప్తి కట్టడే లక్ష్యంగా రాష్ట్ర ప్రభుత్వం మరో కీలక నిర్ణయం తీసుకుంది. మధ్యాహ్నం 12 గంటల...
08-05-2021
May 08, 2021, 03:15 IST
సాక్షి, అమరావతి: ఆంధ్రప్రదేశ్‌లో కరోనాకు ఉచితంగా వైద్యం అందిస్తుండటంపై ముఖ్యమంత్రి వైఎస్‌ జగన్‌మోహన్‌రెడ్డిని కేంద్ర మాజీ మంత్రి, బాలీవుడ్‌ నటుడు...
08-05-2021
May 08, 2021, 03:09 IST
సాక్షి, అమరావతి: రాష్ట్రంలో కోవిడ్‌ విపత్కర పరిస్థితుల్లో పేదలు, మధ్యతరగతి ప్రజలు ఆర్థికంగా చితికిపోకుండా వైఎస్సార్‌ ఆరోగ్యశ్రీ సంజీవనిలా నిలుస్తోంది....
08-05-2021
May 08, 2021, 03:08 IST
న్యూఢిల్లీ: కోవిడ్‌–19.. ప్రపంచాన్ని వణికిస్తున్న మహమ్మారి. ఈ వైరస్‌ ప్రధానంగా గురిపెట్టేది ఊపిరితిత్తుల పైనేనని, దీనివల్ల శ్వాస సంబంధ సమస్యలొస్తాయని,...
08-05-2021
May 08, 2021, 03:06 IST
కౌలాలంపూర్‌: మలేసియాలో కరోనా వైరస్‌ కేసులు పెరుగుతున్న నేపథ్యంలో మలేసియా ఓపెన్‌ సూపర్‌–750 బ్యాడ్మింటన్‌ టోర్నమెంట్‌ను నిరవధికంగా వాయిదా వేస్నుట్లు...
08-05-2021
May 08, 2021, 02:53 IST
ముంబై: ఇంగ్లండ్‌లో అడుగు పెట్టిన తర్వాత నిబంధనల ప్రకారం భారత జట్టు రెండు వారాల తప్పనిసరిగా కఠిన క్వారంటైన్‌లో ఉండాల్సిందే....
08-05-2021
May 08, 2021, 01:22 IST
రంగారెడ్డి జిల్లా యాచారానికి చెందిన ఎం.కృష్ణయ్య రెండ్రోజులుగా తీవ్ర జ్వరం, తలనొప్పితో బాధపడుతూ శుక్రవారం స్థానిక పీహెచ్‌సీలో కరోనా నిర్ధారణ...
08-05-2021
May 08, 2021, 01:21 IST
న్యూఢిల్లీ: కోవిడ్‌–19 కేసులు పెరగడానికి 5జీ స్పెక్ట్రమ్‌ ట్రయల్సే కారణమంటూ వస్తున్న వదంతులపై టెలికం సంస్థల సమాఖ్య సీవోఏఐ ఆందోళన...
08-05-2021
May 08, 2021, 00:43 IST
సాక్షి, కాజీపేట అర్బన్‌: కోవిడ్‌–19పై వరంగల్‌ అర్బన్‌ జిల్లా కాజీపేటలోని నేషనల్‌ ఇన్‌స్టిట్యూట్‌ ఆఫ్‌ టెక్నాలజీ (నిట్‌)లో చేపట్టిన పరిశోధనలు ఏడాది...
08-05-2021
May 08, 2021, 00:42 IST
మనకు జన్మతః తల్లితండ్రులు, బంధువులు ఉంటారు. పెరిగే కొద్ది స్నేహితులూ ఉంటారు. కాని మనింట్లో ఒక రేడియో సెట్‌ ఉంటే...
07-05-2021
May 07, 2021, 21:58 IST
సాక్షి, అమరావతి: కోవిడ్‌ వైద్యానికి మరో కీలక జీవోను రాష్ట్ర ప్రభుత్వం జారీ చేసింది. ప్రైవేట్‌ ఆస్పత్రుల్లో 50శాతం బెడ్లను కోవిడ్‌...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top