TV
జైపూర్‌: రాకుమారుడు రెక్కల గుర్రం మీద వచ్చి తనను తీసుకెళ్లిన్నట్లు హీరోయిన్లలకు సినిమాలో కలలు వస్తుంటాయి. రెక్కల గుర్రం మాట ఏమో గానీ.. ఓ వరుడు తన కాబోయే భార్య కోరికను తీర్చేందుకు హెలికాప్టర్‌లో పెళ్లి మండపానికి వచ్చాడు. ఈ సంఘటన బుధవారం రాజస్థాన్‌లో చోటుచేసుకుంది. ఆమె సంతోషమే తన సంతోషంగా భావించిన వరుడు ఈ పని చేశాడని తెలుస్తోంది.
వివరాలివి.. జైపూర్‌కి చెందిన షారుక్‌కు ఉత్తరప్రదేశ్‌కి చెందిన తాన్జిమ్ తో వివాహం నిశ్చయమైంది. వీరిద్దరి వివాహం బుధవారం బంధు- మిత్రుల మధ్య ఉత్తరప్రదేశ్‌లో జరిగింది. తన్జీమ్‌కు కాబోయే భర్త పెళ్లి మండపానికి హెలికాప్టర్‌లో హీరోలా రావాలినే కోరిక. ఆ కోరికను వివాహనికి ముందే ఆమె షారుక్‌కి తెలిపింది. కాబోయే భార్య మాటను గౌరవించి అతను కూడా ఒప్పుకున్నాడు.
ఆమె కోరిక మేరకు షారుక్‌ పెళ్లి మండపానికి హెలికాప్టర్‌లో వచ్చాడు. అంతేకాదండోయ్‌.. వివాహం తర్వాత కూడా నూతన వధూవరులు ఆ హెలికాప్టర్‌లో జైపూర్‌కు వెళ్లారు. వరుడు హెలికాప్టర్‌లో వచ్చిన విషయం తెలుసుకున్న ప్రజలు మండపానికి పెద్ద సంఖ్యలో తరలివచ్చారు. జమ్ముకశ్మీర్‌కు చెందిన పెండ్లి కొడుకు తన భార్యను ఇంటికి తీసుకెళ్లడానికి గత నెలలో హెలికాప్టర్‌లో రావడం వైరల్‌గా మారిన విషయం తెలిసిందే.
