రైలులో బాలికపై సైనికుల గ్యాంగ్ రేప్

రాంచీ: హౌరా-అమృత్సర్ ఎక్స్ప్రెస్ రైలులో ముగ్గురు సైనికులు తనపై సామూహిక అత్యాచారానికి పాల్పడ్డారని ఓ బాలిక పోలీసులకు ఫిర్యాదు చేసింది. పోలీసులు కేసు నమోదు చేసుకుని ఒక నిందితుడిని అరెస్ట్ చేశారు. మరో ఇద్దరిని త్వరలో అరెస్ట్ చేస్తామని పోలీసులు చెప్పారు.

స్నేహితురాలిని కలిసేందుకు లుధియానాకు వెళ్తూ, హౌరాలో ఆర్మీ కంపార్ట్మెంట్లోకి ఎక్కినట్టు బాధితురాలు చెప్పింది. రైలులో తనకు మత్తుపదార్థం ఇచ్చి ముగ్గురు సైనికులు లైంగికదాడికి పాల్పడ్డారని ఆరోపించింది. జార్ఖండ్లోని డియోగఢ్ జిల్లా మదుపూర్ రైల్వే స్టేషన్లో బాధితురాలు దిగి రైల్వే పోలీసులకు ఫిర్యాదు చేసింది. పోలీసులు ఆమెను వైద్య పరీక్షలకు పంపారు. కాగా ఈ ఘటనపై ఆర్మీ ఎలాంటి వ్యాఖ్య చేయలేదు.