వీకెండ్‌ పార్టీ

రష్మికా మండన్నా

‘ఛలో, గీత గోవిందం, దేవదాస్‌’... ఇలా వరుస విజయాలతో తనకంటూ తెలుగులో మార్కెట్‌ను క్రియేట్‌ చేసుకున్నారు రష్మికా మండన్నా. వరుస సినిమాలతో బిజీగా ఉన్న రష్మికా నటించిన  ‘గీతా–ఛలో’ ఈ నెల 26న విడుదల కావాల్సింది. అనివార్య కారణాల వలన ఈ చిత్రాన్ని మే 3న విడుదల చేస్తున్నామని చిత్రనిర్మాతలు మామిడాల శ్రీనివాస్, దుగ్గివలస శ్రీనివాస్‌ తెలిపారు. దివాకర్‌ సమర్పణలో శ్రీ రాజేశ్వరి ఫిలింస్‌ – మూవీ మాక్స్‌ బ్యానర్లపై  ఈ చిత్రం విడుదల కానుంది.  ‘‘యువతరం మెచ్చే అన్ని హంగులు ఉన్న చిత్రమిది . వీకెండ్‌ పార్టీలు యువతకు మంచి చేస్తున్నాయా? చెడు చేస్తున్నాయా? అనే పాయింట్‌ చుట్టూ ఉన్న కథాంశంతో ఈ సినిమా ఉంటుంది. కన్నడలో ‘ఛమ్మక్‌’ పేరుతో విడుదలైన ఈ చిత్రం దాదాపు 30 కోట్లు వసూలు చేసింది. మంచి చిత్రాన్ని అందరూ చూడాలనే ఉద్దేశంతో కంఫర్ట్‌ డేట్‌ మే 3న విడుదల చేస్తున్నాం’’ అని నిర్మాతలు తెలిపారు.