ఆ సీన్‌లో నటించమంటే పారిపోయి వచ్చేశా : హీరోయిన్‌

Maanvi Gagroo Recounts Running Out of an Attempt To Molestation Scene In Audition - Sakshi

బాలీవుడ్ హీరోయిన్‌ మాన్వి గాగ్రూ ఆడిషన్స్ కోసం వెళ్లినప్పుడు తాను ఎదుర్కొన్న ఓ సంఘటన గురించి వెల్లడించింది. తాజాగా ఆమె ఓ మీడియాకు ఇచ్చిన ఇంటర్వ్యూలో మాట్లాడుతూ, అప్పటి ఘటనను వివరించింది. ‘ఓ సినిమాలో అవకాశం కోసం ఆడిషన్స్ కు వెళ్లాను. అక్కడ ఉన్న వారు నన్ను అత్యాచారయత్న సీన్‌లో నటించమని కోరారు. అందులో బాగా నటిస్తే సినిమాకు సెలెక్ట్‌ చేస్తామన్నారు. ఆ ఆఫీసు చాలా చెత్తగా ఉండడంతో నాకు భయమేసింది.గదిలో పడక మంచం మాత్రమే ఉంది. అక్కడ ఇద్దరు వ్యక్తులు మాత్రమే ఉన్నారు. ఈ పరిస్థితి చూసి నేను భయంతో వెనక్కి చూడకుండ బయటకు పరుగులు పరుగుతీశా’ అని చెప్పింది.

మాన్వి ‘ఉజ్జా చమన్’ చిత్రంలో నటించి గుర్తింపు పొందింది. ఈ చిత్రంలో ఎక్కువ బరువు, లావుగా ఉన్న అమ్మాయిగా కనిపించిన మాన్వి బట్టతల ఉన్న హీరోను ఇష్టపడే అమ్మాయిగా నటించి ప్రేక్షకులను ఆకట్టుకుంది. సన్నీసింగ్ హీరోగా నటించిన ఈ సినిమాకు అభిషేక్ పాథక్ దర్శకత్వం వహించారు.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top