రజనీ, కమల్‌కు మద్దతివ్వను!

పెరంబూరు: రజనీకాంత్, కమల్‌ హాసన్‌లకు మద్దతివ్వనని పేర్కొన్నారు నటుడు ప్రకాశ్‌రాజ్‌. ఈయన తరచూ రాజకీయాలపై స్పందిస్తున్న విషయం తెలిసిందే. ముఖ్యంగా భారతీయ జనతాపార్టీపై తనదైన శైలిలో దండెత్తుతున్నారు. ఇటీవల తాను నటించిన 60 వయదు మణిరం చిత్ర విలేకరుల సమావేశం సందర్భంగా ఆయన ఒక భేటీలో మాట్లాడారు. ప్రజాసేవకు రాజకీయాల్లోకి రావలసిన అవసరం లేదన్నారు. ప్రజల వైపు ఉంటూ పోరాడుతూ సమస్యలను ప్రశ్నిస్తున్న తాను ఎప్పుడో రాజకీయాల్లోకి ప్రవేశించేవాడినన్నారు.

తమిళనాడు, కర్ణాటక, తెలంగాణా రాష్ట్రాల్లో సేవా కార్యక్రమాలు కొనసాగుతున్నాయన్నారు. తెలంగాణాలో పది ప్రభుత్వ పాఠశాలలను దత్తత తీసుకుని అభివృద్ధికి కృషి చేస్తున్నానని తెలిపారు. రజనీ, కమల్‌హాసన్‌ రాజకీయ రంగప్రవేశంపై మాట్లాడుతూవారు మంచి ఉద్దేశంతోనే రంగప్రవేశం చేశారన్నారు. ప్రజల ఆదరణ బట్టి వారి భవిష్యత్‌ ఉంటుందన్నారు. వారికి మద్దతివ్వాలన్న నిర్ణయం తీసుకోలేదని పేర్కొన్నారు. రాజకీయాల్లో రానని, ప్రజల సమస్యలపై ప్రశ్నించడం కూడా రాజకీయ సేవేనని ఆయన చెప్పారు.