కలెక్షన్లలో దూసుకుపోతున్న 'ఫ్యాన్‌'!

కలెక్షన్లలో దూసుకుపోతున్న 'ఫ్యాన్‌'!

కింగ్ ఖాన్‌ షారుఖ్‌ తాజా సినిమా 'ఫ్యాన్‌' అందరి ప్రశంసలు అందుకుంటోంది. ఈ సినిమా పట్ల ప్రేక్షకుల నుంచి సానుకూల స్పందన వ్యక్తమవుతుండగా.. రివ్యూ రేటింగ్స్‌ కూడా బాగానే వచ్చాయి. హీరో- అభిమానికి మధ్య పోరాటంగా తెరకెక్కిన ఈ సినిమాతో షారుఖ్‌ మరోసారి తన మ్యాజిక్‌ రిపీట్‌ చేశాడనే టాక్‌ వినిపిస్తోంది. ఇక సినిమా కలెక్షన్ల విషయానికొస్తే.. ఊహించినట్టే 'ఫ్యాన్‌' భారీ వసూళ్లను రాబడుతున్నది.

మొదటి రోజు ఈ సినిమా ఏకంగా రూ. 19.20 కోట్లు వసూలు చేసింది. రెండోరోజుకు వచ్చేసరికి ఈ సినిమా కలెక్షన్లలో భారీ కోత నమోదైంది. రెండో రోజు కేవలం రూ. 15.40 కోట్లు రాబట్టింది. మొత్తంగా భారత్‌లో ఈ సినిమా విడుదలైన తొలి రెండు రోజుల్లో రూ. 34.60 కోట్లు రాబట్టగా.. విదేశాల్లో రూ. 17.93 కోట్లు వసూలు చేసినట్టు బాలీవుడ్ ట్రేడ్ అనలసిస్ట్‌ తరుణ్ ఆదర్శ్ ట్విట్టర్‌లో తెలిపారు.