TV
నగరంలో ఇటీవల కురిసిన భారీ వర్షాలకు రహదారులు గుంతలమయమయ్యాయి.
హైదరాబాద్: నగరంలో ఇటీవల కురిసిన భారీ వర్షాలకు రహదారులు గుంతలమయమయ్యాయి. జూబ్లీహిల్స్‌లోని తాజ్‌మహల్ హోటల్ సమీపంలో రహదారిపై భారీ గుంతలు ఏర్పడ్డాయి. ఈ గుంతలు గమనించని ఓ ద్విచక్రవాహన దారుడు శుక్రవారం ఉదయం అదుపుతప్పి కింద పడ్డాడు.
ఈ ప్రమాదంలో సదరు యువకుడి తలకు తీవ్రంగా గాయమైంది. స్థానికులు వెంటనే స్పందించి... పోలీసులకు సమాచారం అందించారు. దీంతో పోలీసులు ఘటన స్థలానికి చేరుకుని క్షతగాత్రుడిని అంబులెన్స్లో సమీపంలోని ఆసుపత్రికి తరలించారు.
