TV
నగరంలో గణేశ్‌ నిమజ్జనంలో బుధవారం రాత్రి అపశ్రుతి చోటుచేసుకుంది.
హైదరాబాద్‌: నగరంలో గణేశ్‌ నిమజ్జనంలో బుధవారం రాత్రి అపశ్రుతి చోటుచేసుకుంది. చంపాపేట రెడ్డికాలనీలో గణేష్ నిమజ్జనం చేసే క్రమంలో విద్యుదాఘాతానికి గురై ఇద్దరు యువకులు మృతిచెందగా, మరో ఇద్దరికి గాయాలయ్యాయి. ట్రాక్టర్‌పై గణేష్ నిమజ్జనానికి వెళ్తుండగా ప్రమాదవశాత్తూ విద్యుత్తు తీగలు తగిలాయి. దీంతో ఈ నిమజ్జన వేడుకల్లో అపశ్రుతి దొర్లింది. విద్యుత్ షాక్ కు గురైన ఇద్దరు వ్యక్తులను చికిత్స నిమిత్తం ఆస్పత్రికి తరలించారు. కాగా, మృతులను వెంకటేశ్‌, సందీప్‌ అని పోలీసులు గుర్తించారు.
