కృష్ణా నీటి పంపకాలపై బోర్డు ఉత్తర్వులు

సాక్షి, హైదరాబాద్‌: కృష్ణా బేసిన్‌లోని నాగార్జున సాగర్, శ్రీశైలంలో లభ్యత జలాల పంపిణీపై కృష్ణా బోర్డు మంగళవారం అధికారిక ఉత్తర్వులు జారీ చేసింది. లభ్యతగా ఉన్న 33.77 టీఎంసీల్లో తెలంగాణకు 24.47 టీఎంసీలు, ఏపీకి 9.30 టీఎంసీలు కేటాయిస్తూ నిర్ణయం తీసుకుంది.

ఈ మేరకు బోర్డు సభ్య కార్యదర్శి పరమేశం ఇరు రాష్ట్రాలకు మంగళవారం లేఖలు రాశారు. మార్చి 20 వరకు 520 అడుగులు ఉన్న సాగర్‌ మట్టాన్ని మార్చి చివరికి 515 అడుగులు ఉండేలా చూసుకోవాలని తెలిపింది.