రారండోయ్‌

Apr 02, 2018, 01:47 IST

శ్రీవిరించి(ఎన్‌.సి.రామానుజాచారి)కి పోలవరపు కోటేశ్వరరావు సాహిత్య పురస్కారాన్ని ఏప్రిల్‌ 5న సాయంత్రం 6 గంటలకు విజయవాడలోని హోటల్‌ ఐలాపురంలో ప్రదానం చేయనున్నారు.
మద్దాళి రఘురామ్‌ కవితాసంపుటి ‘తూకానికి కన్నీళ్లు’ ఆవిష్కరణ ఏప్రిల్‌ 7న సాయంత్రం 6 గంటలకు రవీంద్రభారతి కాన్ఫరెన్స్‌ హాల్‌లో జరగనుంది.
డాక్టర్‌ శాంతి నారాయణ కథా సంపుటి ‘బతుకు బంతి’, కవితా సంపుటి ‘కొత్త అక్షరాలపై’ ఆవిష్కరణ, అంకితోత్సవ సభ ఏప్రిల్‌ 8న ఉదయం 10:30కు అనంతపురం జిల్లా పరిషత్‌ మీటింగ్‌ హాల్‌లో జరగనుంది.
దేవనపల్లి వీణావాణి కవిత్వం ‘నిక్వణ’ ఆవిష్కరణ ఏప్రిల్‌ 8న సాయంత్రం 6 గంటలకు రవీంద్రభారతి కాన్ఫరెన్స్‌ హాల్‌లో జరగనుంది. నిర్వహణ: తెలంగాణ సాహిత్య సమాఖ్య.
ఎం.బాలగంగాధరయ్య కథల సంపుటి ‘వలస బతుకులు’ ఆవిష్కరణ ఏప్రిల్‌ 9న హైదరాబాద్‌లోని శ్రీ త్యాగరాయ గానసభలో జరగనుంది.
వసుంధర విజ్ఞాన వికాస మండలి, గోదావరిఖని వారు నిర్వహించిన కవితల పోటీల బహుమతుల ప్రదానం ఏప్రిల్‌ 9న సీఈఆర్‌ క్లబ్‌ నిర్వహించనున్న సిల్వర్‌ జూబ్లీ ఉత్సవాల్లో జరగనుంది.
బహుజనం సాంస్కృతిక వేదిక– తెలంగాణ ఏప్రిల్‌ 8న 3 గంటలకు సంగారెడ్డిలోని గాంధీ సెంటినరీ ఉన్నత పాఠశాలలో బహుజన కవిగాయక సమ్మేళనం నిర్వహించనుంది.