అనుమానాస్పదస్థితిలో వ్యక్తి మృతి

నాయుడుపేటటౌన్ : గుర్తుతెలియని (45) వ్యక్తి రహదారి పక్కన అనుమానాస్పదంగా మృతి చెందడాన్ని స్థానికులు శుక్రవారం స్థానిక తుమ్మూరు గ్రామ సమీపంలో శుక్రవారం స్థానికులు గుర్తించారు. పోలీసుల సమాచారం మేరకు.. తుమ్మూరు గ్యాస్‌ గోడౌన్‌ సమీపంలో రహదారి పక్కన వ్యక్తి మృతదేహాన్ని గుర్తించి పోలీసులకు సమాచారం అందించారు. ఎస్‌ఐ మారుతీకృష్ణ తన సిబ్బందితో సంఘటన స్థలాన్ని పరిశీలించారు. మృతుడు నగ్నంగా పడి ఉన్నాడు. పక్కనే తెల్లటి టవల్‌ ఉంది. కొద్దిగా మాసిన గడ్డం ఉండి చామన ఛాయ రంగులో ఉన్నాడు. మృతుడి కుడి చేతి మీద కృష్ణుడి బొమ్మ పచ్చబొట్టు ఉంది. అయితే స్థానికులు మాత్రం ఈ వ్యక్తిని ఇక్కడ ఎప్పుడూ చూడలేదని, ఎక్కడైనా చనిపోతే ఇక్కడ తీసుకుని వచ్చి పడేసి ఉంటారని అనుమానిస్తున్నారు. ఈ మేరకు గుర్తుతెలియని వ్యక్తి మృతి చెందినట్లుగా కేసు నమోదు చేసి, మృత దేహాన్ని పోస్టుమార్టం నిమిత్తం స్థానిక ప్రభుత్వ వైద్యశాలకు తరలించారు.