TV
ఎస్‌ ఐపై చేయిచేసుకున్న వ్యక్తిపై..
అనంతపురం నగరంలోని సాయినగర్‌ స్టేట్‌ బ్యాంక్‌ వద్ద ఆదివారం ఉద్రిక్తత ఏర్పడింది.
అనంతపురం: అనంతపురం నగరంలోని సాయినగర్‌ స్టేట్‌ బ్యాంక్‌ వద్ద ఆదివారం ఉద్రిక్తత ఏర్పడింది. పాత నోట్లు మార్చుకునేందుకు, ఖాతాల నుంచి డబ్బులు తీసుకునేందుకు ప్రజలు పెద్దసంఖ్యలో బ్యాంకుకు వచ్చారు. రద్దీ కారణంగా క్యూలో చాలా సేపు ఉండాల్సిన పరిస్థితి ఏర్పడింది. భద్రత కోసం బ్యాంకు వద్దకు వచ్చిన ఎస్‌ఐ జనార్దన్‌ పక్కకు జరగాల్సిందిగా సూచించగా, ఓ గుర్తుతెలియని వ్యక్తి ఆయనపై చేయి చేసుకున్నాడు.
అక్కడే ఉన్న పోలీసులు ఆ వ్యక్తిని చితగొట్టారు. పోలీసులు అతన్ని పట్టుకుని లాఠీలతో కొట్టుకుంటూ, కాలితో తన్నుతూ లాక్కెళ్లారు. ఆ వ్యక్తిని జీపులోకి ఎక్కించి అక్కడ నుంచి తీసుకెళ్లారు. పోలీసులు అతనికి కౌన్సిలింగ్‌ ఇచ్చి పంపాలని, కక్షసాధింపు చర్యలకు పాల్పడరాదని అక్కడున్న వారు అభిప్రాయపడ్డారు. ఎస్‌ఐపై చేయి చేసుకోవడం తప్పేనని, పోలీసులు ఆ వ్యక్తిని దారుణంగా కొట్టడం బాధాకరమన్నారు.
