TV
ప్రతీకాత్మక చిత్రం
సిమ్లా : హిమాచల్‌ ప్రదేశ్‌లో ఆదివారం ఘోర రోడ్డు ప్రమాదం జరిగింది. ఎన్నికల ప్రచారానికి వెళ్తున్న బీజేపీ కార్యకర్తల కారు మండి జిల్లాలోని ఓ లోయలో పడిపోయింది. ఈ ప్రమాదంలో ఐదుగురు బీజేపీ కార్యకర్తలు మృతి చెందగా, మరొకరికి తీవ్రగాయాలయ్యాయి. మృతులంతా రాష్ట్ర ముఖ్యమంత్రి జై రామ్‌ ఠాగూర్‌ నిర్వహిస్తున్న ఎన్నికల ర్యాలీలో పాల్గొనేందుకు వెళ్తున్నట్లు సమాచారం. మార్గ మధ్యలో కారులో లోయలో పడిపోయింది. ఈ ఘటనలో ఐదుగురు అక్కడికక్కడే మృతి చెందగా, డ్రైవర్‌కు తీవ్రగాయాలయ్యాయి. సమాచారం తెలుసుకున్న పోలీసులు ఘటన స్థలానికి చేరుకొని గాయాలపాలైన డ్రైవర్‌ను ఆస్పత్రికి తరలించారు. కాగా ప్రమాదానికి గల కారణాలు తెలియాల్సి ఉంది.
