జేఎల్‌ఆర్‌ కూడా గుడ్‌న్యూస్‌

 

'' ఎక్స్‌షోరూం ఢిల్లీ ధరల ప్రకారం మా వాహనాలన్నింటిపై సగటున 7 శాతం మేర ధరలు తగ్గిస్తున్నాం'' అని జేఎల్‌ఆర్‌ భారత అధ్యక్షుడు, మేనేజింగ్‌ డైరెక్టర్‌ రోహిత్‌ సురి చెప్పారు. జేఎల్‌ఆర్‌ పోర్టుఫోలియోలో ఉన్న ఎక్స్‌ఈ కారు ప్రారంభ ధర రూ.34.64 లక్షలు కాగ, ఎక్స్‌ఎఫ్‌ ప్రారంభ ధర రూ.44.89 లక్షలు. అంతేకాక ఎఫ్‌-పేస్‌ ధర రూ.67.37 లక్షల నుంచి ఎక్స్‌జే రేటు రూ.97.39 లక్షల నుంచి ప్రారంభమవుతున్నాయి. కొత్త పన్ను విధానం జీఎస్టీ కింద 1500సీసీ పైన ఉన్న పెద్ద పెద్ద లగ్జరీ కార్లు, ఎస్‌యూవీలపై 15 శాతం పైగా సెస్‌ ఉండి, 28 శాతం పన్ను పడుతోంది. అయితే ఇది అంతకముందున్న 50 శాతం పన్ను రేట్ల కంటే తక్కువనే. దీంతో కంపెనీలు కూడా తమ వాహనాలపై ధరలను తగ్గిస్తున్నాయి. జీఎస్టీ అమల్లోకి రావడంతో, రవాణా చేసే సమయం కూడా తగ్గుతుందని తాము భావిస్తున్నట్టు రోహిత్‌ చెప్పారు. కంపెనీకి చెందిన పుణే ప్లాంట్లలో వాహనాలను తయారుచేసి, జేఎల్‌ఆర్‌ వీటిని దేశవ్యాప్తంగా విక్రయిస్తోంది.