నమ్మించి.. వంచించారు...

వివాహితపై ఏఎస్‌ఐ, అతని బావమరిది అత్యాచారం

బెల్లంకొండ
ఓ మహిళ అవసరాన్ని ఆసరా చేసుకుని ఆమెకు మత్తుమందిచ్చి ఓ ఏఎస్‌ఐ, అతని బావమరిది అత్యాచారం చేసిన ఘటన గుంటూరు జిల్లాలో ఆలస్యంగా వెలుగు చూసింది. ప్రాథమిక సమాచారం మేరకు... జిల్లాలోని అచ్చంపేట మండలం కొత్తపల్లికి చెందిన ఓ వివాహిత(28) కు మూడెకరాల పొలం ఉంది. పొలంలో బోరు వేయించే యోచనలో ఉండటంతో.. ఆదే గ్రామానికి చెందిన మందపాటి శ్రీను ఆమెతో మాటలు కలిపాడు.

తన బావ శ్రీనివాసరావు పిడుగురాళ్ల ఏఎస్‌ఐగా పనిచేస్తున్నాడని, విద్యుత్ కనెక్షన్ సులభంగా ఇప్పిస్తానని చెప్పి ఓ గుర్తుతెలియని ప్రదేశానికి తీసుకెళ్లాడు. అక్కడ మందపాటి శ్రీను, ఏఎస్‌ఐ శ్రీనివాసరావు ఆమెకు కూల్‌డ్రింక్‌లో మత్తు మందు కలిపి తాగించి అత్యాచారం చేశారు. ఈ అరాచకాన్ని వీడియో తీశామని, భర్తకు చూపిస్తామంటూ ఆమెను బెదిరిస్తుండడంతో బాధితురాలు ఐదు రోజుల క్రితం రూరల్ ఎస్పీని ఆశ్రయించింది. దీనిపై కేసు నమోదు చేసి విచారణ చేస్తున్నట్టు బెల్లంకొండ పోలీసు అధికారుల తెలిపారు.