TV
రాష్ట్రాన్ని అమ్ముకోడానికి తప్ప వీళ్లు పనికిరారు: హరికృష్ణ
రాష్ట్ర విభజనకు అనుకూలంగా కేంద్ర మంత్రివర్గం తీసుకున్న నిర్ణయాన్ని నిరసిస్తూ చేపట్టిన రాష్ట్ర బంద్ కు టీడీపీ నాయకుడు నందమూరి హరికృష్ణ సంపూర్ణ మద్దతు ప్రకటించారు.
రాష్ట్ర విభజనకు అనుకూలంగా కేంద్ర మంత్రివర్గం తీసుకున్న నిర్ణయాన్ని నిరసిస్తూ చేపట్టిన రాష్ట్ర బంద్కు తెలుగుదేశం పార్టీ నాయకుడు, రాజ్యసభ సభ్యుడు నందమూరి హరికృష్ణ సంపూర్ణ మద్దతు ప్రకటించారు. అసమర్థ నేతలను కన్నందువల్లే రాష్ట్రానికి ఈ దౌర్భాగ్యం వచ్చిపడిందని ఆయన మండిపడ్డారు.
ఈ రాజకీయ నాయకులు కేవలం కుటుంబాలను తార్చడానికి, రాష్ట్రాన్ని అమ్ముకోడానికి తప్ప మరెందుకూ పనికిరారని హరికృష్ణ తీవ్రంగా ధ్వజమెత్తారు. రాష్ట్రం సమైక్యంగా ఉంటేనే అభివృద్ధి సాధ్యమన్న విషయాన్ని వీళ్లెందుకు గుర్తించరోనని ఆవేదన వ్యక్తం చేశారు.
