తుస్సు.. విద్యుత్‌ బస్సు

తుస్సు.. విద్యుత్‌ బస్సు

అప్పటి సీఎం వైఎస్‌ జగన్‌మోహన్‌రెడ్డి 2021లో తిరుపతిలో కాలుష్య నియంత్రణలో భాగంగా జిల్లాకు మొట్టమొదటిగా 100 విద్యుత్‌ బస్సులను మంజూరు చేశారు. అయితే కూటమి సర్కారు అధికారంలోకి వచ్చిన తర్వాత వాటి నిర్వహణ ప్రశ్నార్థకంగా మారింది. మరమ్మతుకు గురైతే ఆ సర్వీస్‌ను పట్టించుకోవడం లేదు. 10 శాతానికి పైగా సర్వీసులు మూలకు పడ్డాయని విమర్శలున్నాయి. ఈ క్రమంలోనే ఎక్కడ పడితో అక్కడ ఆగిపోతున్నాయి. మంగళవారం తిరుమల బైపాస్‌ రోడ్డులోని శ్రీనివాసం సమీపంలో ఓ విద్యుత్‌ సర్వీస్‌ నడిరోడ్డుపై ఆగిపోయింది.దీంతో బస్సులోని ప్రయాణికులు దిగి బస్సును తోయాల్సిన పరిస్థితి వచ్చింది. ఈ క్రమంలో పెద్ద ఎత్తున ట్రాఫిక్‌ ఆగిపోవడంతో ప్రయాణికులకు తిప్పలు తప్పలేదు. –సాక్షి ఫొటోగ్రాఫర్‌, తిరుపతి