‘కరోనా’తో కొవ్వుల వ్యవస్థ హైజాక్‌!

Human Fat System Affected To Collapse By Coronavirus - Sakshi

బీజింగ్‌: ప్రాణాంతక కరోనా వైరస్‌ గురించి మరో కొత్త విషయం బయటపడింది. శరీరం మొత్తం వ్యాపించేందుకు కరోనా వైరస్‌ మన కణాల్లో కొవ్వులను ప్రాసెస్‌ చేసే వ్యవస్థను దెబ్బ తీస్తుందని చైనాకు చెందిన అకాడమీ ఆఫ్‌ మిలటరీ మెడికల్‌ సైన్సెస్‌ శాస్త్రవేత్తలు గుర్తించారు. కోవిడ్‌కు మెరుగైన చికిత్స అందించేందుకు ఈ పరిశోధన ఉపయోగపడుతుందని అంచనా.. దీని వివరాలు నేచర్‌ మెటబాలిజం జర్నల్‌ తాజా సంచికలో ప్రచురితమయ్యాయి. పరిశోధనలో భాగంగా శాస్త్రవేత్తలు కరోనా వైరస్‌తో కూడిన కణాలను పరిశోధనశాలలో వృద్ధి చేశారు.

వీటిని పరిశీలించినప్పుడు శరీరానికి మేలు చేసే హెచ్‌డీఎల్‌ కొవ్వులు అతుక్కునే భాగానికే వైరస్‌ కూడా అతుక్కున్నట్లు గుర్తించారు. ఆ భాగాన్ని తొలగించి పరిశీలిస్తే వైరస్‌ మానవ కణానికి అతుక్కోవడం నిలిచిపోయింది. ఈ అంశం ఆధారంగా వ్యాధి చికిత్సకు కొత్త మందులు తయారు చేయొచ్చునని శాస్త్రవేత్తలు చెబుతున్నారు. అయితే ప్రస్తుతానికి తాము ప్రాథమిక పరిశీలనలు మాత్రమే జరిపామని, ఇన్ఫెక్షన్‌ను ఎక్కువ చేసేందుకు వైరస్‌ కొలెస్ట్రాల్‌ జీర్ణ వ్యవస్థను వాడుతున్నట్లు తెలుస్తోందని వెల్లడించారు.

అధిక ఫాస్ఫరస్‌ వినియోగానికి చెక్‌!
హైదరాబాద్‌: చీడపీడల నుంచి రక్షణకు లేదా మొక్కలు ఏపుగా ఎదిగేందుకు చాలామంది రైతులు ఎరువులను విచ్చలవిడిగా వాడటం మనం చూసూ్తనే ఉంటాం.. ఇది కాస్తా వ్యవసాయ ఖర్చులు పెరిగిపోయేందుకు కారణమవుతోంది. మిగిలిన ఎరువుల మాటెలా ఉన్నా ఫాస్ఫరస్‌ను అతితక్కువగా వినియోగించేలా చేసేందుకు శాస్త్రవేత్తలు ఓ కొత్త మార్గాన్ని గుర్తించారు. ఎరువుగా వేసిన ఫాస్ఫరస్‌ మట్టిలోని రసాయనాలతో కలసిపోయి మొక్కకు అందకుండా పోతుంటుంది. దీంతో రైతులు అవసరానికి మించి ఫాస్ఫరస్‌ వాడటం అది కాస్తా నిరుపయోగంగా పరిసరాల్లోని జలవనరుల్లోకి చేరుతుండటం వల్ల అనేక సమస్యలు ఏర్పడుతున్నాయి.

చెట్ల వేర్లపై ఉండే ఎండోఫైట్స్‌ అనే సూక్ష్మజీవులతో ఈ సమస్యను అధిగమించవచ్చునని వాషింగ్టన్‌ యూనివర్సిటీ, పసిఫిక్‌ నార్త్‌వెస్ట్‌ యూనివర్సిటీ శాస్త్రవేత్తల తాజా పరిశోధన ద్వారా స్పష్టమైంది. ఎండోఫైట్స్‌ మట్టిలోని ఫాస్ఫరస్‌ను మొక్కలకు చేరవేయగలవని వాషింగ్టన్‌ యూనివర్సిటీ శాస్త్రవేత్తలు గతంలోనే గుర్తించగా.. తాజాగా వీరు పసిఫిక్‌ నార్త్‌వెస్ట్‌ యూనివర్సిటీతో కలసి కొన్ని ప్రయోగాలు చేశారు. పోప్లర్‌ చెట్టు వేర్ల ప్రాంతంలోని ఎండోఫైట్స్‌ మట్టిలోని రసాయనాల నుంచి ఫాస్ఫరస్‌ను వేరు చేసినట్లు ఈ ప్రయోగాల్లో తేలింది. పోప్లర్‌ మొక్కలు ఈ ఫాస్ఫరస్‌ను ఉపయోగించుకున్నట్లు కూడా స్పష్టమైంది. ఎండోఫైట్స్‌ను కృత్రిమంగా పెంచి మట్టిలోకి కలపడం ద్వారా మొక్కలకు ఫాస్ఫరస్‌ బాగా చేరేట్టు చేయవచ్చునని లేదా విత్తనాలకు ఎండోఫైట్స్‌ పూత పూసినా ఉపయోగపడుతుందని శాస్త్రవేత్తలు చెబుతున్నారు. 

బ్యాగేజీ ఎక్కడుందో చెబుతుంది
శంషాబాద్‌: ఆధునిక సాంకేతిక వినియోగంతో ప్రయాణికులకు మెరుగైన సేవలందించేందుకు శంషాబాద్‌ ఎయిర్‌పోర్టులో మరో అడుగు పడింది. ప్రయాణికులకు అవసరమైన బ్యాగేజీ ట్రాలీలకు సాంకేతిక పరిజ్ఞానాన్ని జోడించింది. దీంతో దేశంలోనే ట్రాలీలకు సాంకేతికను అనుసంధానించిన తొలి ఎయిర్‌పోర్టుగా నిలిచింది. బ్యాగేజీ ట్రాలీలకు ‘లాంగ్‌ రేంజ్‌ ఇంటర్నెట్‌ ఆఫ్‌ థింగ్‌’అనే టెక్నాలజీని వినియోగిస్తున్నారు. ప్రస్తుతం 3 వేల బ్యాగేజీల ట్రాలీలకు ఈ సాంకేతికను అనుసంధానించారు. దీంతో ప్రయాణికులు బ్యాగేజీ ట్రాలీల కోసం ఎదురు చూసే సమయం గణనీయంగా తగ్గిపోతుంది. ప్రయాణికుల సంఖ్యకు అనుగుణంగా ఆయా ప్రాంతాల్లో ట్రాలీలను అందుబాటులో ఉంచే ప్రక్రియ సులువుగా మారుతుంది.

ఆపరేషన్‌ టీంలు ఎయిర్‌పోర్టులోని రియ ల్‌ టైమ్‌ డ్యాష్‌బోర్డులలో పొందుపర్చే సమాచారం ద్వారా ప్రయాణికులకు అనుగుణంగా వాటిని ఆయా ప్రాంతాలకు చేర్చే అవకాశం ఉంటుంది. లాప్‌టాప్, మొబైల్‌ల ద్వారా కూడా ట్రాలీలు ఎక్కడ ఉన్నాయన్న సమాచారాన్ని కూడా వెంటనే తెలుసునే సౌలభ్యం ఉంది. వీటితో పాటు అలర్ట్‌ మెకానిజం ద్వారా ట్రాలీలను ‘నో ఎయిర్‌పోర్టు జోన్‌’లోకి ఎవరైనా తీసుకెళితే వెంటనే అప్రమత్తమయ్యే సందేశాలు సంబంధిత విభాగాలకు చేరుకుంటుంది. దీంతో సంబంధిత సిబ్బంది వాటిని వెంటనే సరైన ప్రాంతాలకు తీసుకెళ్తారు. 

మెరుగైన సేవల్లో భాగంగానే..
ప్రయాణికులకు మెరుగైన సేవలందించడంలో భాగంగానే సాంకేతిక పరిజ్ఞానంతో వినూత్న ఆవిష్కరణలకు జీఎంఆర్‌ హైదరాబాద్‌ ఎయిర్‌పోర్టు నిరంతరం శ్రమిస్తోంది. డిజిటల్‌ ఇండియాలో భాగంగా శంషాబాద్‌ విమానాశ్రయంలో ఇప్పటికే ఈ– బోర్డింగ్, ఫేస్‌ రికగ్నిషన్‌ ప్రాజెక్టులు విజయవంతమయ్యాయి. స్మార్ట్‌ బ్యాగేజీ ట్రాలీల ద్వారా ప్రయాణికులకు మరింత మెరుగైన సౌకర్యాలను పెంపొందిస్తున్నాం.  –ఎస్‌జీకే కిశోర్, జీఎంఆర్‌ ఎయిర్‌పోర్టుల చీఫ్‌ ఇన్నోవేషన్‌ అధికారి  

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

17-01-2021
Jan 17, 2021, 05:04 IST
ఓస్లో: కోవిడ్‌–19 వ్యాక్సినేషన్‌ కార్యక్రమం నార్వేలో తీవ్ర విషాదం మిగిల్చింది. ఇటీవల ఫైజర్‌వ్యాక్సిన్‌ తీసుకున్న 23 మంది వృద్ధులు మృతి...
17-01-2021
Jan 17, 2021, 04:56 IST
భారత్‌లో ఉత్పత్తి చేసిన టీకాలతో కరోనా మహమ్మారిపై నిర్ణయాత్మక విజయం సాధించడం తథ్యమని ప్రధానమంత్రి నరేంద్ర మోదీ ధీమా వ్యక్తం...
17-01-2021
Jan 17, 2021, 03:23 IST
సాక్షి, అమరావతి: రాష్ట్రంలో తొలి రోజు కరోనా వ్యాక్సిన్‌ ప్రక్రియ విజయవంతమైంది. ఎక్కడా ఎలాంటి ఇబ్బందులు కలగకుండా, అవాంఛనీయ సంఘటనలు...
16-01-2021
Jan 16, 2021, 19:31 IST
సాక్షి, న్యూఢిల్లీ: దేశవ్యాప్తంగా తొలిరోజు వ్యాక్సినేషన్‌ ప్రక్రియ విజయవంతంగా పూర్తైంది. నేడు మొత్తంగా 1,65,714 మంది కరోనా నిరోధక వ్యాక్సిన్‌...
16-01-2021
Jan 16, 2021, 17:00 IST
హైదరాబాద్‌: కొవాగ్జిన్‌ టీకా తీసుకున్న వారు దుష్ప్రభావాల బారిన పడితే నష్టపరిహారం చెల్లిస్తామని భారత్‌ బయోటెక్‌  ప్రకటించింది. తమ వ్యాక్సిన్‌...
16-01-2021
Jan 16, 2021, 16:52 IST
సాక్షి, అమరావతి : ఆంధ్రప్రదేశ్‌ రాష్ట్రంలో గడిచిన 24 గంటల్లో 25,542 మందికి కరోనా పరీక్షలు చేయగా 114 మందికి...
16-01-2021
Jan 16, 2021, 14:21 IST
వ్యాక్సిన్‌ క్లినికల్‌ ట్రయల్స్‌ నిర్వహణలో ఇదొక మైలురాయి వంటిది. భారతీయుల కోసం ప్రభావంతమైన, సురక్షితమైన వ్యాక్సిన్‌ను తీసుకువచ్చేందుకు ఈ నెలలోనే...
16-01-2021
Jan 16, 2021, 13:04 IST
అతి త‌క్కువ జీవిత‌కాలం ఉన్న‌వారు టీకా తీసుకోవడం వల్ల పెద్ద‌గా ప్రయోజనం ఉండ‌దు
16-01-2021
Jan 16, 2021, 12:19 IST
సాక్షి, గుంటూరు: గుంటూరు ప్రభుత్వ ఆసుపత్రిలో శనివారం ఉదయం కోవిడ్ వ్యాక్సినేషన్ కార్యక్రమాన్ని హోం మంత్రి మేకతోటి సుచరిత ప్రారంభించారు. ఈ కార్యక్రమంలో...
16-01-2021
Jan 16, 2021, 10:48 IST
సాక్షి, న్యూఢిల్లీ : ప్రపంచంలోనే అతిపెద్ద కరోనా వ్యాక్సినేషన్ ప్రక్రియను భారత ప్రధానమంత్రి నరేంద్ర మోదీ ప్రారంభించారు. శనివారం ఉదయం 10:30...
16-01-2021
Jan 16, 2021, 08:33 IST
దాదాపు 11 నెలలుగా పట్టి పీడించి.. మనుషుల జీవన గతినే మార్చేసి.. బంధాలు.. అనుబంధాలను దూరం చేసి.. ఆర్థిక రంగాన్ని కుంగదీసి.. ఆరోగ్యాన్ని అతలాకుతలం చేసి.. అన్ని...
16-01-2021
Jan 16, 2021, 08:13 IST
సాక్షి, రంగారెడ్డి: దాదాపు పది నెలలుగా ప్రజలను వణికిస్తున్న కరోనా వైరస్‌ నుంచి విముక్తి లభించనుంది. జిల్లాలో శనివారం కరోనా...
16-01-2021
Jan 16, 2021, 04:18 IST
న్యూఢిల్లీ: ఎప్పుడెప్పుడా అని ప్రజలు ఎదురు చూస్తున్న కోవిడ్‌ వ్యాక్సినేషన్‌ కార్యక్రమం మరికొద్ది గంటల్లో ప్రారంభం కానుంది. కోవిడ్‌ మహమ్మారిని...
15-01-2021
Jan 15, 2021, 17:58 IST
సాక్షి, హైదరాబాద్‌ : కరోనా వైరస్‌ వ్యాక్సిన్ వేసుకోవడానికి బలవంతం ఏమీ లేదని, సంసిద్ధంగా ఉన్నవారికే వ్యాక్సిన్ వేస్తామని వైద్య, ఆరోగ్య...
15-01-2021
Jan 15, 2021, 17:43 IST
హైదరాబాద్‌: రేపటి నుంచి దేశవ్యాప్తంగా కరోనా వ్యాక్సినేషన్‌ ప్రక్రియ ప్రారంభం కానుంది. ఇందులో భాగంగా రేపు తెలంగాణలోని 139 కేంద్రాల్లో...
15-01-2021
Jan 15, 2021, 15:32 IST
విజయవాడ: ఏపీ సహా దేశంలోని అన్ని రాష్ట్రాల్లో రేపటి నుంచి కోవిడ్ వ్యాక్సినేషన్ ప్రారంభం కానుంది. వర్చువల్‌ పద్ధతిలో ప్రధాని...
15-01-2021
Jan 15, 2021, 15:24 IST
సాక్షి, అమరావతి : ఆంధ్రప్రదేశ్‌ రాష్ట్రంలో గడిచిన 24 గంటల్లో 31,696 మందికి కరోనా పరీక్షలు చేయగా 94 మందికి...
15-01-2021
Jan 15, 2021, 12:18 IST
వాషింగ్టన్‌: కరోనా వైరస్‌ కట్టడితో పాటు దానివల్ల కుంటుపడిన ఆర్థికవ్యవస్థను గాడిలో పెట్టడం కోసం భారత్‌ నిర్ణయాత్మక చర్యలు తీసుకుందని...
14-01-2021
Jan 14, 2021, 15:35 IST
న్యూఢిల్లీ: భారత ప్రభుత్వం ఎంత అప్రమత్తంగా వ్యవహరిస్తున్నా దేశంలో యూకే కరోనా స్ట్రెయిన్ కేసుల సంఖ్య పెరుగతుండటంపై కేంద్ర ఆరోగ్య మంత్రిత్వ...
14-01-2021
Jan 14, 2021, 14:01 IST
సాక్షి, న్యూఢిల్లీ: రాష్ట్రంలో కోవిడ్‌ టీకా డ్రైవ్‌ జనవరి 16 నుంచి ప్రారంభమవుతుందని ముఖ్యమంత్రి అరవింద్ కేజ్రీవాల్ గురువారం ప్రకటించారు....
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top