TV
తారాపురంలో ఈదురు గాలులు
● కూలిపోయిన జెయింట్‌ విండ్‌మిల్‌
అన్నానగర్‌: తిరుప్పూర్‌ జిల్లాలోని తారాపురం–పొల్లాచ్చి రహదారికి సమీపంలోని శీలనాయకన్‌పట్టి చెరియన్‌ కడుతోట్టమ్‌లో చైన్నెలో ప్రధాన కార్యాలయాన్ని కలిగి ఉన్న ఏ ప్రైవేట్‌ కంపెనీ విండ్‌ ఫామ్‌ నిర్వహిస్తోంది. గురువారం ఉదయం 7 గంటల ప్రాంతంలో అక్కడ బలమైన గాలి వీచింది. ఇందులో, ఆ భారీ గాలి వేగాన్ని తట్టుకోలేక జెయింట్‌ విండ్‌మిల్‌ పూర్తిగా విరిగి కింద పడిపోయింది. దెబ్బతిన్న పవన విద్యుత్‌ టర్బైన్‌ విలువ రూ.5 కోట్లు ఉంటుందని పవన విద్యుత్‌ టర్బైన్‌ కంపెనీ ఉద్యోగులు తెలిపారు. అలాగే అక్కడి విద్యుత్‌ స్తంభాలు కూడా దెబ్బతిన్నాయి. ఫలితంగా నివాసాలకు విద్యుత్‌ సరఫరా కూడా నిలిచిపోయింది. దీని వల్ల గ్రామస్తులు ఇబ్బందులకు గురయ్యారు. అదృష్టవశాత్తూ, పవన విద్యుత్‌ టర్బైన్‌ విరిగి కూలిపోయినప్పుడు ఆ ప్రాంతంలో ఎవరూ లేకపోవడంతో ప్రాణనష్టం తప్పింది.
