దుకాణాల వేలానికి తీర్మానం

పళ్లిపట్టు: పొదటూరుపేట టౌన్‌ పంచాయతీ సమావేశం మంగళవారం నిర్వహించారు. టౌన్‌ పంచాయతీ అధ్యక్షుడు రవిచంద్రన్‌ అధ్యక్షతన నిర్వహించిన సమావేశంలో వైస్‌ చైర్మన్‌ రామకృష్ణన్‌, పట్టణ కార్యనిర్వహణాధికారి రాజకుమార్‌ ఆయనకు స్వాగతం పలికారు. ఈ సందర్భంగా పొదటూరుపేట బస్టాండులో రూ.1.50 కోట్లతో నిర్మించిన దుకాణాల సముదాయ భవనంలోని 18 నూతన గదులను గతంలో వ్యాపారం చేసుకున్న వారికే కేటాయించాలన్న వ్యాపారుల డిమాండ్‌ మేరకు చర్చలు జరిగాయి. అందుకు టౌన్‌ పంచాయతీ చైర్మన్‌తో పాటు సభ్యులు అంగీకారం తెలిపినా, చట్ట నిబంధనలకు లోబడి దుకాణాలు వేలం ద్వారా మాత్రమే కేటాయించాలన్న ఈఓ వివరణతో వేలం నిర్వహించి కేటాయించాలని నిర్ణయించారు.